軒軒不再baby

軒軒今日歲半喇~~~ 希望軒軒快高長大, 乖d, 愈來愈靚仔~~~

歲半仔, 理論上不再baby, 不過作為佢阿媽, 軒軒永遠都是我的bb!!

因我今晚有工作, 所以尋晚我地買左蛋糕同佢慶祝喇.....

東海堂買既.. 熊仔朱古力募絲蛋糕......很可愛~

bb已經望實個蛋糕喇....

都很叻叻喇, 有得望無得食咁耐都無發脾氣... 因為個個都要同佢影相....公公呀, 婆婆呀, dadi mami呀...舅父仔呀....

又扮吹candle 喇... 不過後來到真係點左火時.. bb就驚驚喇... 驚到喊.....

最叻擘大個口...比人睇下有幾隻牙仔~

自己叉蛋糕食...

變左"污咀狗"!!

歲半既軒軒有咩新進展呢.....

- 身形: 依然肥大肉厚, 但未見俊俏...HAHHA

- 講野方面: 已比之前好轉, 識得叫DADA, MAMA, 婆婆, 公公, 父父(即舅父仔), 食, 好, 無, 唔該, 包....

- 唔要的東西會擰頭; 識得見到陌生人怕羞; 大人講咩全部識聽; 聽婆婆講佢識開婆婆屋企個大門; 鬼靈精怪, 亦比較貪靚, 著衫著鞋有Preference;

- 脾氣差了, 一唔中意就"pa"地同喊; 玩具唔肯同人分享, 拎晒番來自己霸住...

- 勁中意"叮噹", 婆婆又日日比佢睇, 我驚佢就快自己都變做"叮噹"....

- 很中意聽廣告歌如MTR廣告歌, 佢會跟住最尾咁唱"PAU PAU PAU"; 仲有維X奶歌, 見姐姐一出&唱歌 就望到實, 又係會跟最尾音唱STANDY BY ME個ME; 仲有麥兜洗洗手首歌, 跟住做動作: "呀" 同"洗手", 同跟住尾音唱"無有怕"個"怕".....

BB 24/10會去幼稚園INTERVIEW NURSERY CLASS...希望佢醒目D喇~