打擊x2~~~~

話說bb今日又去參加爬行(or 行行)障礙賽, 不過阿仔又失敗, 佢又包尾喇, 對dadi真係打擊x2~~

bb今次係大b組2號..

比賽前仲好興奮等"出閘"...

誰不知一開閘, 阿仔就拎住個保齡球樽玩, 仲玩到唔停手..

仲走埋去其仔賽道搗亂, 此時此刻, 很多bb已經爬到去終點...

好彩都仲有個女女同bb一樣掛住玩....

仲攪到大會個攝影哥哥對住呢個貪玩既bb係咁影, 佢又繼續係咁玩~

好喇, 穿過埋個水泡就到終點喇.......

當然....係包尾2喇.... 無得入決賽(預左!!) , 所以去同bb上playgroup 喇...

有勞作做呀, 就係叫bb自己"mit"貼紙出來, 痴在紙碟上, 再由mami將bb手仔油上顏色, 印上手印... 就成了bb這個第一份勞作喇~

之後去左探家瑜表妹, 表妹又大個左, 識得同人玩喇...

仲識得坐我之前過比佢張櫈仔, 坐得幾開心~ 表妹坐上去之後隻肶位都仲有鬆動. 阿仔o個時對肶就真係太勁, 有d窄..

應該係差不多月數喇....對比一下~