沒有龍舟水游的端午節

原本打算同BB到泳池去游龍舟水, 但, 陰陰天, 又伴著幾陣風, 都係下次先, 費事BB冷親~

三口子訓到12點至起身, 當然中間BB醒過, 比過餐奶BB飲, 佢又在床碌左陣, 又訓番... 哈哈~ 果然係懶人之家~

橫豎無野做, 好采屋企樓下都仲有個會所同花園, 就同BB落去玩下新買的"肥皂泡槍槍",BB 初初都唔知吹出來既係咩東東, 後尾就開始知, 開始追D波波..... 不過唔知係天氣不好還是甚麼, 影出來的相影不到D 肥皂泡, 咁唯有POST下BB既"玩到顛笑樣"出來頂住檔...

之後又開始落雨喇... 所以我地就入番會所玩喇...可能落雨D人無出街, 所以會所很多小朋友....

就係咁, 番到家都4點幾, 同BB洗白白, 飲埋奶奶就訓左差不多3個鐘喇.... 我...懶人媽媽又趁機"恰"左陣.... 正! 至於DADI, 梗係趁住唔使湊仔, 踢番場波先喇....

今日D時間過得真係快......