原來...... 有病......

週刊訪問洪朝豐，一諗起佢當年鬧寶詠琴嘅嘴臉，即時反應係揭過無興趣睇。回心一諗點解呢個時候明週會訪問佢？梗有d嘢嘅，又揭返轉頭睇返......

原來，當年喺鏡頭面前好似癲佬咁講「一隻手指可以捽死佢」嘅洪朝豐，當時真係癲咗，有抑鬱狂躁症......

洪朝豐回憶當年治癒八成後出院，但痛苦的日子才剛開始：「我一無所有，傳媒將我在急症室的狀況大事報道，拿一個狂躁症病人來取笑。我原本教開一些學生，出院後，他們都不肯來上課，我沒有收入，要靠姊姊援助，我好記得拿著一百元去超級市場買東西，花一蚊都要想清想楚，買快要過期的急凍食物回家煮，慳得就慳。」

＊　摘自明週2133期　＊

當時不停追訪呢段「娛樂」新聞嘅記者，不停追看呢段私人感情瓜葛嘅觀眾／讀者，有無一刻諗過，其實佢有病，不停嘅閃燈追訪，肆意嘅嘲諷批評，或許會令佢嘅病情惡化？

作為一個情緒病康復者，佢選擇重投社會，面對世人嘅目光。以自己過去十年嘅經歷，助人自助。

我決定，以後即使搭車無帶書睇無帶冷衫織，都唔會再買嗰d雜誌消磨時間。