發噏風

  Sonic己經不知不覺兩歲丫,由細揪到佢大,由一個起初好怕狗嘅人,變到一個好錫狗嘅人,當中嘅轉變連我自己都估唔到,記得當講養狗嘅問題,我打死都話唔養,結果我都迫不得意養左,由寵物店帶返尼第一日起,我好怕佢,覺得佢好煩,四維疴屎疴尿,日吠夜吠,而得殺左佢,但養養吓又Ok wo,同佢一齊食一齊瞓,你唔開心佢會尼氹你,係你身邊,你同佢講乜,佢會知你個心諗僅乜.自已病可以"吽",佢有乜頭暈身熱就第一時間帶佢睇醫生,打風落雨冇醫生開都四維同佢揾藥,去街去夜左,個心都諗住趕返尼,"哇!sonic屎急丫,行快兩步丫",未養狗前晚晚去wet,而家連酒巴都唔係好想去.唔舍得食唔舍得玩,佢要乜我買乜比佢,買嘢比佢仲開心過買比自己.有時講句衰啲死慳死扺都要比佢食比佢玩.有時心諗做狗好過做人,人生會有好多個階段,有高有底,日日新鮮,好開心又有,好唔開心又有,Sonic都同我分享過好多尼啲日子,好唔開心嗰陣同佢講,佢真係好似識聽你講嘢,講完個人真係開心啲丫,甚至好過同其他人講,雖然佢幫你唔到,但係佢真係會氹返你,唔會駁咀.未養過狗嘅人係唔會知.

我並不是鼓勵人養狗,我只不過係同大家分享吓,有啲人當貓狗只不過係一件玩具,見佢得意就攞佢返尼,得閒就玩吓佢餵吓佢,對厭左丫,眼尾都唔望佢,甚至放佢係街,或者虐待佢,完全都唔尊重一條生命,尼啲人下世就知.

狗得嗰十年八年命,萬一有一日佢真係走左我會点呢,又或者行先嗰個係我,佢會点呢?我已經當佢係女一樣,冇另一隻可以替代佢.

今日唔知痴咩線寫咁多字.可能個個睇完話我又煩又剩,唔好意思.Sonic嗰Blog都應該係最一次丫,寫埋暫時卦Blog 丫.

Thanks