祝我生日快樂 !

不經不覺 , 原來我今日以 7 歲 啦 ! 哩 7年裏面 , 其實都有好多事發生過架 , 特別係我最好o既朋友仔離開我時 , 感覺真係幾唔開心架 ! 因為佢走時病得好辛苦 , 不過都過了 .

哩7年入面 , 我識人類比識同類多好幾陪架 , 都係多得家姐 , 家姐小學時 , 每個星期五 , 我就一定會去接佢放學 , 表演吓我o既專長( 請請~手手~要人抱抱等 ) , 每個星期五 , 都係我同人類最開心o既一日, 係學校門口會有好多笑聲 , 人類開心時 , 我有覺得自己原來都係有用架 , 可以比到歡樂佢哋 . ( o依家就小咗好多 , 只有間中一次 , 因為只帶我會好唔公平 , 三隻一個人帶又好難控制 , 不過我唔會唔開心架 , 我係一隻樂天狗麻 )

哩D係我又細蚊仔到o依o既少部分相 , 最B個張只有一個月兩日大咋

哩張我重未夠三歲 , 青春美麗掛 ? ( 不過同依家個樣好似無乜分別 )

哩兩個都算係我近期O既新朋友嚟架啦 ! 細個隻識咗三年 , 黑色大果隻識咗今日岩岩五個月.

珠珠好乖 , 送咗個 birthday kiss 比我 , 多謝晒傻珠珠

哩d都係我鐘意食o既 , 我唔自私架 , 細惡同珠珠都有得食 , 大家都食得好開心  (我最愛係雞亦同芝士蛋糕 , 好好味架 ) .

唔講喇 . 又係時候想發夢 , 睇吓見唔見到我好朋友先 , 我念佢會好想同我講生日快樂架  .

願我每年~月~日~時~分~秒都開開心心健健康康 , 長命至無痛苦離開