網誌分類：心情&感覺 |
話說小囡一向健康都算ok (上天保祐
) . 世時就係咁 , 真係好多事你想唔倒 , 在12月3日早上突然收到學校電話 (你女兒 , 個肚好痛 ! ) 即刻想有"十隻腳"走到去學校 ! 當去到學校 , 見到女兒的時候 , 佢個面就同白紙一樣 (我做咗佢媽咪咁耐 , 第一次見 , 好驚 ! ) 即同佢去睇醫生 , 醫生話好大機會 "盲腸炎" , 睇完 ! 即去醫院 , 醫院都話好大機會係 , 留醫 ! 我清楚明白"盲腸炎" 不是大件事 , 但作為媽咪 , 真係好擔心 !! 結果留醫咗4日3夜 , 所有都驗清楚後 , 結果係腸抽搐 ! 萬幸 , 真係好感恩
哩次o既事令"女兒" 覺得 , 我不單止係佢朋友 , 重要係佢身邊一個唔可以無咗o既人 ! 我o既感覺就係如要佢受傷 , 不如受傷o既係我 !!
再難過~再不幸~再驚慌之事 ! 原來裏面都可以搵到得著 , 我今次搵到o既係 ..........我愛你 ceci , 我o既乖女 
.
妳o既健康同快樂 , 就係媽咪一生o既幸福 , 多謝妳平安
丁丁 & 霖霖 2008-12-08 22:56
不過我怕死, 唔肯入院, 因為睇醫生個時得我一個人(自己以為小事,因為我好忍得痛, 痛o左成日, 放工訓一覺,發現自己發燒先走去睇醫生先知腸胃炎!醫生聽到都打個突!!). 睇完醫生先喊住口打電話同丁丁&我媽講 我盲腸炎唔要入院做手術..... kakkakakak!
兩隻小Dog2008-12-08 23:27
咁你要小心d呀 , 痛得唔正常就好去睇醫生喇 ! 不過又唔好成日怕肚痛喎
.
就算唔係一個人 , 講到要入院 or 做手術都會怕怕 . 思想正常 , 怕怕有理
.
丁丁 & 霖霖 2008-12-08 21:42
你有機會問下醫生d 肚痛, 腸抽搐點分, 下次你ceci肚痛, 你都幫到佢分丫!
兩隻小Dog2008-12-08 22:17
盲腸炎唔係一定要做手術咩 ? 做咗應該唔會再發病架 .
我都有問過醫生 , 佢話盲腸炎係會一直咁痛 , 食止痛藥打止痛針都無用 , 會嘔同肚痾 , 一定要做手術 . 腸抽搐就會在痛楚位置凸起同會硬晒 , 都係會嘔同痾 , (不過ceci咁次都算好彩 , 無痾) 食藥打針後會慢慢減痛楚 .
多謝你 , 有心 .
kakupacobb 2008-12-08 12:42
大家都係"媽咪級", 所以好明白你o既心情!
無論兩腳囝囡抑或係四腳囝囡, 總之有起事上嚟最擔心都係我哋做"媽咪"嗰個!
叫"囡囡"好好休息吓喇, 你自己都一樣要take care呀!
兩隻小Dog2008-12-08 21:51
講得好 , 真係架 ! d囡同平時有d唔同 , 我就會擔心佢哋邊喥唔舒服 , 阿女都好d , 話晒識講我又識聽 , 果三隻四腳女就要平事多留意先容易發現 .
有心 , 佢返得學 , 無乜事喇 ! 不過就要佢小心食嘢 , 見喥佢無乜事 , 我個心都定返好多喇 ! 多謝 .
可愛 2008-12-08 00:19
兩隻小Dog2008-12-08 21:43
有心 , 偉唔偉大就唔咁講 , 只係希望佢開心健康就夠 , 多謝你 .
黑麗特工 2008-12-07 22:49
無事就最好了，係咪功課壓力大呀？
兩隻小Dog2008-12-07 23:04
OCOY1234 2008-12-07 22:24
惡媽唔使擔心啦，好快無事架啦．
兩隻小Dog2008-12-07 22:59
大耳 2008-12-07 14:55
三年前我個女年二十七腸炎入院，仲要隔離，仲諗住在醫院過年。
所以好明白你心情。
以後都要小心的，一緊張都會發作
我自已就一緊張會肚痛去廁所
兩隻小Dog2008-12-07 21:24
我都唔知個傻女係唔係因為考試 , 所以緊張到咁 ! 我都無要佢叻過人哋 , 我只要佢係好人就夠架啦 ! 希望佢以後都會無事就好
Melibell 2008-12-07 13:19
作為父母緊張就一定會有!....腸抽搐係米會番發架?....我有個朋友都試過,連黃膽水都嘔埋出黎,近年仲每年發一次添,第一次又係留院,之後就只睇E生,真係好辛苦!
好彩妹妹冇事咋!
兩隻小Dog2008-12-07 21:27