十七小時合桃無花果包

琴日响EVA度買咗想買好耐既法國合桃，即刻番嚟整個包包食下先﹗用既中種本身係肉鬆包嚟，但係老細嗰日食咗個肉鬆包，咬咗一啖就唔食成個包擺番喺度﹗跟住話俾我知無包包食，食咗我包媽咪麵。其實都係買俾佢食，不過我收埋唔俾佢知住啫﹗講番個包，食譜係用肉鬆包，突然變種我都唔知會整成點，搓嗰時已經好乾加咗好多水下，但係個面團一啲都唔輕身仲好實添﹗唔理得咁多整埋先算。發完個面團成835g，分三個會好大個，咁我就分咗8個，諗過分兩次焗，但係雪櫃打爆咗，擺唔落唯有一次過焗，好逼呀﹗有啲焗得唔夠脆要焗多五分鐘至出爐。凍咗食半個做宵夜都OK既，跟住老細話要飲野，咁我問佢食唔食？佢又話食，咁我又問佢食一個定半個？佢話食半個，飲咗支果粒提子，好低呀﹗五蚊支咋﹗呢排佢勁鍾意飲，終於俾我等到有大特價今日再去入多幾支先﹗我走喇﹗bye﹗

入面都好彩好似以前一樣jack﹗