麵包示範班 By Chef Gregoire Michaud @賞味坊 2

未上堂前影番張靚相先﹗

普羅旺斯式香草包，呢個包係咪好似Pizza呢？Chef 都話呢個係pizza 嚟架﹗我唔鍾意食Olive所以試咗味就算，唔諗住整。不過Chef話可以落自己鍾意食既野落去都得，變化隨自己啦﹗

特色香草包，呢個都唔算多糖粉lu，大家睇番第一張相就知有幾勁﹗但係食落一啲都唔會覺得好甜，我就覺得唔係好重雲喱拿味，呢個我想整呀﹗但係個份量好大下，都唔知點算好呢﹗

蒜味香草包(麥穗)呢個細細粒容易食，不過有同學仔話太細粒失咗麥穗個原本味道，話哂都係攞嚟試食，係咁依啦，個包包係咁多款之中我最鍾意，好多同學都係，因為勁香口。所以好快清哂，反而個普羅旺斯果個食剩好多喎﹗呢個麥穗我都想試下整，剪剪下好過癮。

硬粗麥包，外面果層係polenta嚟架，增加咗口感，簡直係外脆內軟呀﹗正﹗呢個無糖架，啱哂啲健康人士，糖尿病人都可以食，但由於polenta 都係粟米嚟既，所以食之前都係問下營養師意見先啦﹗

幫所有包包影番張大合照先﹗

話咁快就完喇﹗趁其他同學仔問Chef 攞簽名時，走去同Mark gor影番張相先﹗仲乘機向阿Mark gor 偷下師啦，好多同學仔問佢野架﹗睇下佢個樣幾認真﹗連仙姐都同阿Mark gor 交流心得添。

跟住週圍八下先

Johnny 佢地好細心為我地準備咗啲Jam 香港無得賣架﹗我記得呢個牌子要訂同埋坐飛機過嚟

每位同學仔都有一份包包同埋一樽jam留念﹗個包包第日都仲好香好好食，但係我個甜甜包就潮咗無哂啲白粉我又費事再加番啦，焗番熱一餐食哂lu﹗

依家我針急星期六tony個甜品堂呀﹗