十七小時白"吐"司

Oh my god﹗點解你會嘔架？係咪我唔覺意加多咗啖水俾你飲呀？後尾又俾咗啖粉你食滯咗呢？攞你上手個感覺就無去上堂咁輕手，但都好柔軟。發到8成就開爐預熱，到個爐ok嗰你就有9成大lu﹗好彩你係俾老細食既啫﹗唔係我都唔知點算囉﹗下次都係7成好rehert個爐先得。爐到半路我就偷睇下你，oh﹗見到你咁樣我當堂o咗咀﹗啫係衰咗添﹗都無法子等你出嚟先講。但係等極你都未熟，用180度焗咗40分未得，再焗多15分熟咗但未夠色，脫模焗多5分但係個頭黑咗呀﹗個身都係唔夠色喎﹗唔敢再焗喇，因為個身已經硬咗d lu﹗

我既結論係多咗小小水唔緊要，反而係多咗啖粉先係致命傷呀﹗下次都係早啲預熱個爐等住會好d，同埋用190度焗。(唔使發過龍)

啱啱先至影既﹗好彩肉芯都好像樣，但係四邊有d硬，可能係焗得耐咗﹗唔整過都唔知白吐司易學難精﹗