中學生涯

今日去左補習...
我補習老師問左我一個問題,
你覺唔覺得人生好似愈大個,時間流得愈快?

又好似真係喎...話咁快就中7,
而家回想返,
真係好似琴日發生

中1...好開心,如果而家係陳楷既曲棍球隊學生!!一定要多謝我,因為我就係組織陳楷曲棍球既人,冇左我,你地有得打波咩!哈哈~
中2...玩得好開心,差不多日日都出左去玩
中3...同中2一樣
中4...開始讀書,竟然俾我由全級89追到26!!!太開心~
中5...頭20名之內必定有我啦,個個都冇諗過我係讀到書,我自己都冇諗過!!亦係我交低曲棍球隊隊長既時候...好境不常...我唔可以再係CK讀書...要去到KEIHEEP,不過識到一班好知己,好比一切!
中6...打算識朋友...點知好多都係損友,而我就做左學會幹事,全校好多人都識我,Ken哥同Ken少周圍都聽到,不過我好低調...唔好再咁叫我...亦係我一生人第一次鍾意一個人,anyway...人生好精彩~
中7...回望一切,好多野好後悔,不過...俾我知道左我真真正正識左一班不離不棄既好兄弟!thx u all!仲有唔少重要既人,每一個都好感謝你地可以為我生命加上色彩

AL...咁快就AL...
由中1既肥仔...變到中7俾人認錯係肥妹,
其實都係一件值得回味既事,
所有既經歷,冇任何野可以取代,
有人話中學一定要試下拍拖,
如果唔係唔叫中學,
邊個話架!我冇拍過拖,都可以好開心,
眼見唔少拍拖既人,真真正正既好兄弟仲冇我咁多!
雖然冇拍過拖,無可否認,我自己都有少少遺憾,
不過我咁既外型...算啦...已經將呢一件憾事拋到大海

望住枱上面閉著眼既dororo模型,
佢好似知道我諗緊咩咁,
哈,好似好傻,不過...暫時黎講,我人生如果可以拍做一套電影,相信都會相當賣座,
小學既生活就更加令我改變,不過...人係要勇敢展望將來,
希望未來可以為我留下一點光輝。