一個幫忙,令我了解更多

係康文署做左3年暑期工,
本身覺得好hea...冇咩用,只求金錢,
但係今日得到一個令我喜出望外既收穫。

今日放學之後,當我行去巴士站時,途經黃大仙中心,
見到有一個小朋友坐左係地下,之後我行過去望幾望,
見個小朋友冇人理,而且個中心勁少人,就膽粗粗去問下咩事,
原來佢唔見左個銀包,
之後同佢一齊搵下,搵搵下見到佢媽媽,
佢媽媽第一句同我講"係你!?"(但我唔識佢...)
原來個媽媽之前去粉嶺帶小朋友游水個陣我幫過佢手帶佢小朋友玩,
我真係一d印象都冇...當然,我緊係話"原來係你!唔怪得咁熟面口la~!"
佢笑一笑,不斷多謝我,但係我仲未幫佢個仔搵到銀包,
唯有同小朋友既媽媽講,原來個銀包就放左係佢媽媽到...
之後傾左幾句我就走左

原來我之前既一個小小幫助,會令佢記咁耐,
個心有一股好莫名其妙既興奮,呢一刻...我了解到,
每一個點唔顯眼既人,每一樣幾唔顯眼既野,都有佢地既價值同地位,
所以絕對唔可以睇少任何一樣野,
甚至你而家呼出既二氧化碳都有用架,佢可以俾植物進行光合作用變返氧氣,
我地生命係一層扣一層,唔係單純既一體,獨行俠好,社交高手好,
佢地都會對世界上既樣有所連繫