班長

某天，當我同琦琦睇完喜羊羊之後......

琦: "媽咪，我要做美羊羊...... "

我:"咁妹妹呢？"

琦:"佢做紅太狼啦!"

我:"妹妹做紅太狼，咁佢咪會食咗美羊羊囉？"

琦:"係喎..... 咁..... 我做大美羊羊，佢做細美羊羊啦!"

我:"咁爸爸呢？"

琦:"爸爸係村長，因為佢聰明.... "

我:"咁媽咪呢？"

琦:"媽咪係班長 - 暖羊羊!!!!!!!"

我聽完之後就笑到唔收聲..... 點解？因為我響小學時代就係做班長，到今時今日啲小學同學都記住我係班長囉.....唔通，到今時今日我都重有做班長既台型？