森小，我回來了......

在完成了其他工作之後，我又回來了森小的浮沙......

叫她做浮沙，是因為我會因為這件事，比投入這個形容詞更勁~~~沉入。

可能因為沒有這個劇團，便沒有今天的火火，所以，我當這是我的命根之一。

會好緊張，好驚，好愛.......

在完成了影海報之後，就是寫劇本的工作了。

老實說曾經交過給別的高手寫，最終都是要自己動手。

不是說其他人不好，只是，唉......自己個仔，都係自己餵奶換片先放心。我唔想做衰人！

你知啦！人地餵奶，你總係會在旁邊說三道四！覺得人地唔識湊仔，話呢話路，我覺得自己好乞人憎！

到尾又係自己做返。

唯有說句放不下，原因是：有很多人都跟我說：[好笑就得啦！]

情況就如有人跟我說，[你個仔健康咪得囉！]。你都傻啦！做老豆梗係想佢又健康，又做偉人啦！

放在戲的角度，就是你不要跟我說好笑就得！劇情呢？訊息呢？結構呢？好重要呀！

[算吧啦！鬼識咩！$280蚊笑笑地，型型地咪得囉！]

你當我和大哥是傻佬啦！我們就是放不下！市場我們唔會唔理！不過做得呢個戲，責任是好重要的！

你理唔理我唔知！不過我理！

起碼每年做完，你睇完。我好有信心你最多可以講你唔鍾意。不過一定講唔出[唔好！]

梗係啦！我地一個戲唔係度一個星期架！

係一年呀！

你散場走o個晚，我地就開始度緊下年做咩呀！大佬！