秋季郊遊

好耐都無帶過Minkey仔去郊遊喇。雖然佢從未喺屋企搗蛋以表示不滿，但我好明白佢真係好想喺陽光燦爛嘅草地上奔跑。有時見佢企喺窗邊望住對面嘅球場，作為爸爸，其實我自己係非常內疚。有時我會同佢講：『好對吾住，爸爸好耐無帶你去街街。你會怪爸爸嗎？』其實我都吾知佢聽吾聽得明。

今日放假，陽光又咁好。接咗媽媽收工我哋就一齊出發去大潭郊遊。

一去到遇到一對外藉夫婦，有一隻拉布拉多同呢隻金毛BB。呢隻金毛超鐘意同Minkey玩。難得Minkey又好鐘意同佢玩。兩隻嘢玩到顛哂！由於太顛關係，我跟本影吾到佢哋，只有呢兩張難得影到！

作為父母，原來當靜落嚟，望住佢同其他小朋友玩得咁開心時，心裡面有種莫名的感覺。覺得，呢個先係佢應該擁有的世界、呢d先係佢應該擁有的同伴。我是否握殺咗Minkey應該擁有的事物？畢竟呢個世界有太多矛盾的事。

見到佢開心，係最大嘅欣慰。唸吓唸吓，自己一直去追求理想、一直想去改變現狀、一直想去把身邊嘅事合理化……學業是完成了、升職又達到了。但我快樂嗎？原來自己並不快樂。快樂，就是見到Minkey仔天真爛漫咁笑、歡天喜地咁在陽光下奔跑、同埋老婆一齊陪佢玩。快樂原來係可以咁簡單。但人總係習慣將自己困喺死胡同又不能自拔。

Minkey仔：『今日好開心呀！爸爸你都笑吓啦！』

Minkey仔：『我哋多d嚟呢度好嗎，爸爸？』

Leo：『好啦，儘量啦！不過有樣嘢想同你講……Minkey仔，爸爸真係好鐘意你！』

Minkey仔：『嘻嘻，我點會吾知喎，我都好鐘意爸爸！』

Minkey仔：『媽媽黑面喇，快d叫佢合照啦！如果吾係我哋兩父子無好日子過呀！！』

媽媽：『你講咩話？！！』

Minkey仔：『……爸爸你仲吾快d過嚟？』

開心嘅時候總係過得特別快，希望快d可以帶Minkey仔再行山！