妹妹真硬頸

2009年11月26日

妹妹今晚發好大脾氣, 喊咗大半個鐘都唔收, 越呵佢就越喊得大聲....

事原係妹妹塞住李太條路, 李太同妹妹講咗幾次"唔該借借", 妹妹都唔借開, 仲用pat pat撞開李太, 於是爺爺就拉開妹妹, 妹妹就開始發脾氣係咁大喊, 係張床度典來典去, 呀嫲開好奶, 叫妹妹"去叫聲媽咪就比奶奶食", 點知妹妹好硬頸, 死都唔肯叫, 連至愛嘅奶都唔食, 李生比糖妹妹都寧願唔食, 繼續喊....又有手打牆係度發脾氣.....

呀嫲捉妹妹入厠所等佢自己喊, 不過呀爺忍唔住去厠所呵番妹妹, 但係一開厠所門, 妹妹見到李太又喊, 仲大聲過之前, 跟住李太就去沖涼, 呀嫲就再叫妹妹收聲食奶, 到李太沖完涼, 妹妹已經訓咗.....

真係比妹妹激死, 兩歲幾人仔就咁硬頸.....不過妹妹平時都係乖多嘅....ha...ha...

~~~~呢個melody係李生N年前(未結婚)係D夾仔機度夾比李太架,  而加比妹妹據為己有, 晚晚要抱住melody先訓, 又拍佢訓教, 又同佢蓋被, 李太同妹妹講"melody係daddy送比我架", 妹妹就話"唔係呀, melody我架".......(>_<).......太過份.....