JP復活大酬賓

JP 即三X書店，以往店舖位於觀塘APM面對 food court L1；現在搬到上L6佔地方更大更寬敞，轉換有新環境當然要推出酬賓優惠，書籍有85%折扣直至4月13日為止。今晚趁假期有空閒上來逛一逛 ，結果買到一本我心頭好，就係以下呢本書。

話說去年我曾經在日本表參道某高級商廈內，參觀過日本著名攝影大師細江英公一個以黑白相片為主個人攝影展。我亦曾經在本人BLOG提及過，除了寫真內容大膽地以人體為主之外；原來日本著名作家三島由紀夫就是「薔薇刑」寫真中裸體男主角﹗詳情可登入以下網址參考

http://www.g-whiteroom.com/artists/a009eh/works.htm

嘩......原來三島由紀夫當年咁前衛開放﹗簡直令我大開眼界，唔怪得之佢死都死得轟轟烈烈過人啦﹗因此令我更加想尋找“禁色”呢一本小說，但我發現坊間許多大型書店實在非常缺乏三島由紀夫著作，其實就算連川端康成都少見，真不禁令我搖頭嘆息。

再一次提提，JP酬賓優惠到明天為止。此外，今期JP展出許多以設計科目為主題書籍；如果想買書又有時間的話，到APM不妨到L6一遊。

P.S.睇"禁色"一書要加上聽住由達明一派唱出同名歌曲，咁先至寧舍好feel﹗

資料來源出自:speedohush