魂SPEC XS-10-重戰機 L-Gaim MK-I

買左好耐既重戰機，由於種種原因，到今時今日先介紹佢，重戰機呢套卡通系來自五星物語作者富野的八十年代機械人卡通，動畫可能係悶左D，我亦無睇過，對佢既認識就只限於機戰，還有覺得很動聽的主題曲，雖然早在94年的機戰己有佢出現，但卻是實力一般，所以我都唔太鍾意用。

重戰機應該也算屬於半冷門吧，玩具都唔多，但我卻擁有它2000年出的1/144模型，早前的In Offshot亦有買，可見原來我都幾鍾意呢隻機械人，也因此在魂SPEC公佈MK-I時己很期待，但可能知名度唔夠，相信亦可能蒼之流星一樣成死貨。

玩具方面，L-Gaim做得好好，但可能之前擁有的玩具和心目中佢係屬於真實系，比例感覺做得好大隻，外形亦好好，白色件亦做了很好的拋光。但合金件和過往系列一樣不多，QC其實算是好好的，但我個隻買回來時大腿有明顯的甩油，真係黑仔，所以我呢隻亦經我自己打磨過和重新噴光油，但感覺卻更差，真吹帳。

全白色的外形，沒有複雜的機械結構，也沒有貼上花花的lable，感覺好簡潔。這反而更加令人印像深刻。

附有裝在機体和普通形態兩種

條頸拉起後，再打開倉蓋，就能放入Spiral Flow，就是主角騎乘的

活動性較差，雙手可平舉，尤其係下肢的關節很難動，某些用左合金關節，有點驚佢會爛，所以影相時都無擺很大的動作。

光劍的手柄收藏於手的內側

玩具附送了四個光劍比你，分別可組成單劍和孖劍

此機械人的最大特點，就係可以將腳部整塊裝甲拉上，看到裏面的關節，外型和上色都算是ok，但油壓都是假的

另一特色係手臂上的Power Launcher有油管接上腰部

巨型大炮Buster Launcher，連接晒腹部果3個窿，是機戰的Map武器

玩具還有一盒模型附送，是Lilis Gaim的已上色Q版模型，但我就懶得去整了

.

總結：算係好滿意的一款玩具，除了可動度較差，其餘都好滿意，絕對係我買過這機械人最滿意的一隻玩具，期待會出奧津和MK II