新世紀合金 新三一萬能俠

由於種種原因，很久己沒有寫和玩具相關網誌，久休復出下，拍攝的相片亦有以前的G9變成S100FS。不過仲未掌握部機點用，加上圖片縮細左，其實係呢度睇和以前用G9影的玩具相 差不遠。

今次的玩具是想買左好耐既新世紀合金-新三一萬能俠，過去一直鍾情於電鍍版，但價錢略貴，呢隻係係yahoo bid的，價錢比較抵，所以就買佢算了。

本以為過往的新世紀合金質素會比現在優勝，但這個想法是錯的，上到出晒界既顏色，好多無打磨好既膠件，差勁的膠質，還有腳板的螺絲仲會滑牙，搞到成日會鬆出來既腳底膠件，還有差勁的可動度，較令人滿意的可能就只是合金成份高和還算不俗的外形。

有一段時間無用PS，令到本以差勁的技術更加退步了不少

背面的翼，共分為上圖的三種型態，分別為收藏、伸出和展開三種

腰部位置是發射招牌招式，粉紅式激光的炮口位

另有一塊膠比你合埋個炮口位，但做到完全唔啱位，又好似無打磨過咁，激鬼氣，還有，可看見機械人也有明顯的色粒和油出界

可能動好底，無咩動作好擺，值得一提的是手部關節是採用左先拉出，才能活動的設計

唯一的武器，就是斧頭，配上流星鎚的設計，都算特別，斧頭的設計是頭尾都可以打開的，方便套出拳頭裏

雙斧

以上圖片用上左三種S100FS的底片模式，看來影玩具用重口味的模式不太適合

總結，是是但但的一篇文章，完全無加工過的圖好像都己經ok，相信會為我日會寫玩具網誌節省好多時間。玩具方面卻是略為失望，主因是QC實在不好，要不然這也算是一款ok既玩具。