從烏蛟騰到鹿頸

今天的陸上行，從烏蛟騰出發，經荔枝窩，最後越過分水凹，終點是鹿頸。這幾處地點兩年前都好想去走訪。不過，無人帶領，如今一大班人行，既不怕謎路，又不怕被非法入境者嚇親。

烏蛟騰原來可以坐大埔車到達，途經上次踩單車的大尾督。這個季節真的遠足旺季，起點總是人頭湧湧，十足十銅鑼灣咁。

我地只是遠足，不是登山闖林，所以無咁驚，事關呢班人兄真係唔等人，個個都是「剎那人」來的。即係在剎那之間唔見左人，靜英英咁，真係俾佢地嚇瓜。

沿途經過紅樹林區，陣陣咸味，仲有寧靜的海灣。

印象最深刻的是荔枝窩的魚滕區，棵棵樹都是地質、地殼變異所造成的，有英文「Q」字，有人一個假「千秋」，仲有樹窿、霸道的榕樹、五指樟……

大休半粒鐘後，我地勇闖分水凹，又直又斜的長命石階，行到腳仔跛！最後，以五粒鐘的時間，完成整個遠足之行。今天的步行里數，真係破左我的能量紀錄。