水底拜堂

好耐之前, 呆呆曾經構思過潛水婚禮, 不過後來因為成本及其他問題, 沒有實行.

個半月前, 知道 Buddies, 要去菲律賓潛水, 不如順手攪埋水底婚禮. 出發前的一個月, 日子很充實, 第一件事拿拿聲搵教練學潛水. 之後呆呆又病, 又要安排影結婚相, 租衫. 真係忙到個腦一片空白.


沒有律師, 沒有文件簽署, 介指又買唔到, 沒有太多資源......如何去辦一個婚禮. 響陸上可以做好多野, 不過響水底, 簡單如交換介指, 都有很大風險 (可能趺左或者流走). 要諗個簡單又有象徵意婚禮......唯有是......拜堂成親.

1. 夫妻交拜.
2. 合 (緊) 交 REG (氣源吸咀), 禮成.

話雖如此, 要做得好好睇睇都做經過心思熟慮. 首先搵個合適地點, 深水處陰暗, 影相效果唔好.  淺水處經常被海浪沖積, 左搖右擺. 多珊瑚的地方很美, 可是又沒有平地. 一個安全平坦的海底是很重要的, 石底會有很多海膽, 衝刺及大石. 容易受傷, 沙底比較理想, 可是技術不好, 會踢起海沙, 清水會變濁, 影相時就沙鹿滾滾. 

我事前就是想得太簡單, 沒有好好籌備. 由於是秘密婚禮, 不能預先彩排, 受呆呆 24 小時監視, 一切不能太張揚. 好彩有 buddies 幫我攪婚禮, 如果唔係都唔知點算.

6月28日晚上: Coral 問我想點攪, 當時我腦裡一片空白, No Idea.

6月29日早上: 6:00 扎醒, 炸肚痛霸住個廁所成個鍾攪個繍球. 話說出發前差d唔記得買婚禮用o既繍球, 匆忙之後買左個絲帶披曬口 o既 繍球, 最後要自己執番整.

                   7:00 早餐時段講解下午婚禮程序, 實在我當時個腦依然係一片空白, No Idea. 未講好呆呆已經浦頭, 大家收口.
                     
                   8:00 - 8:30 我同 Jenny 密密 (針), 佢充當我地 o既大襟姐. 幫我同通知其他 Buddies.
      
                  15:00 大家出發去婚禮地點, 呆呆仲係 mud 都唔知, 我地搵藉口話興祝 Kathy 生日, 帶住禮物出去, 其實裡面係個繍球.

Fins 左一段時間, 到達婚禮地點, 是個十字架, 呆呆依然朦然不知, 去睇十字架旁邊隻大蚌, 我就開始著陸下跪. 潛水很著重中性浮力, 無疑我掌握得唔到家, 不過講到難, 點都唔及定定咁跪咁難. 我忙了同自己加鉛, 唯有咬腰定好, 但係過左一陣都唔掂, 繼續左搖右擺.


起初我都跪得好定



唔係點解, 後來又左搖右擺, 呆呆就依然遊然自得
(Buddies 話其實係呆呆踢起 d 沙, not me. 基本上佢都未知發生咩事)


夫妻交拜
最有型 o既新娘, 一隻腳跪, 一隻腳撐住地下, 好似人地求婚感


合 (緊) 交 REG


禮成


黎個大合照, 呆呆好勁, 可以除曬 mask 同 reg.


我都唔輸蝕, 不過就無呆呆咁灑脫, 在水底, 依然面不改容. 仲可以忍住呼吸好耐.
以前佢最高記錄, 可以閉氣由地鐵油塘至調景嶺. 早知佢會除 mask 影相, 我就努力D 練習下啦. 真失禮.



我當日狀態唔太好, 可能有d緊張, 就連望鏡頭咁基本 o既事都唔記得.
在此要多謝所有 Buddies 同當地兩位 DM (Dive Master). 有佢地婚禮先可以順利完成.

最後, 我奉勸所有想行水底婚禮朋友, 雖然潛水係唔可以閉氣, 但影相時盡量忍住呼吸, 最好同攝影師夾定時間 (例如做手勢, 數3下, 第2下就唔好再呼氣). 如果唔係就會好似我咁  



後記: 呆呆除左個 mask 雖然好有型, 不過幾日之後佢耳仔痛, 原因係佢扁桃線炎 arm arm 好番就即時潛水, 除 mask 時索左 d 水入鼻, 反壓時谷左鼻涕入耳 (有細菌) , 引起中耳炎.

而我多日來反壓太大力, 谷傷耳膜, 雖然唔駛食藥, 不過就要好好休養.