保密行踪

我呢個 blog 雖然好少人睇, 不過我都好注重保密.

我極少 post 親人同朋友 o既相 (雖然我好想), 一來係保障別人私隱, 其次係怕被人熟人發現.

網誌都係想寫自己 o既感受, 提供一個私人空間, 響網上, 你可以表達另一個自己, 可以同不同 o既人分享內心感受,  有時小不免都會係身邊 o既人發生 o既事, 不過身邊 o既人未必喜歡你講佢地 o既事. 由其係當你有唔同 o既睇法, 又唔想同佢爭論 o既時候.

有親友響 yahoo 寫 blog, 我偷偷去睇, 無論開心同唔開心, 有時好想回答. 不過我成日要記住, 唔好畀佢知, 我真係唔知幾時唔覺意穿左自己 o既身份 (攪到好似做臥底咁).

我唔係怕畀人覺得我講人是非, 最怕係卷入事情當中. 涉及事件當中, 就會有很多麻煩, 有好多野, 知道理 / 幫唔到, 特別係家事, 感情事. 手心手背都係肉時, 你可以點?

呆話我工作之所以煩惱, 因為我唔係 operator, 係中間人, 見人講人話, 見鬼講鬼話. 穿梭陰陽, 促成合作. 工作上還可以應付呢種情況, 因為佢地唔會睇到人同對方 e-mail. 不過生活上, 一個人唔可以講兩種話, 一個 blog 唔可以有兩種立場.  

所以......獨善其身, 真係幾時都咁 arm 聽.