冷知識 . 熱場面

好耐都未行過二樓書店, 尋日假期好迫人. 其實我係有目的去搵一本, 可惜搵唔到.
不過就有外收穫.

百科全書呢 d 咁學術o既書, 我諗睇o既人唔多, 不過個名古古怪怪, d 公仔騎騎(呢呢), 就會有人去望下.

人大左有好多野都理所當然, 唔知都知會問. 反而細個果陣成日諗呢樣點解, 果樣點解. 但點解我從來唔睇百科全書呢? 我果 d 點解就算唔係騎騎(呢呢), 古靈精怪, 都係 d
唔正常問題, 又或者深到科學家都搵緊答案......

科學家未答到果的我都唔想知, 不過無無為為果d我就好有興趣:

1. 點解杯麵要 (6) 三分鐘?
2. 點解電話同計數機數字鍵排列相反?
3. 點解刮黑板聲會令人起雞皮?
4. 果d 剪左落黎o既頭髮仲有無用? 會用來做咩呢?
5. 點解女仔要著裙?
6. 箭豬生箭豬仔果陣會唔會畀刺 (吉) 親?

唔知以上問題有幾多人認回答又答得arm. 唔知呢本書出左幾耐, 不過響日本出版至今已經再版30次, 應該是2003年台灣人譯. 而亞視幾年前有個節目 冷知識衝動 都好似收視唔錯, 可能有好多人心裡都有好多唔知點解, 又搵唔到答案o既問題

我就有一個問題從來無人識答, 亦都困擾左我好耐, 所以我私人醒一個問題, 睇下有無人識答:

7. 點解男仔鐘意女仔長頭髮?

我同呆呆玩左一陣, 覺得好好玩, 所以想多d人陪玩, 答案不日公怖!!
為左增加好玩程度, 希望玩o既人私人醒一個問題畀大家估下.