Day 1 Vienna 維也納

星期五提早收工﹐回家沖涼就立刻去機場~今日班頓 last day所以勁早放工﹐去到機場買左兩個貴麵包食然後等上機。我倆第一次搭 Lufthansa ﹐ D飛機餐麻麻又少電影看  ﹐可能搭慣 Cathy去香港。班飛機飛去 Munich 時遲成個鐘﹐之後要轉細機去 Vienna 時差D上吾到機﹐去到德國入境又左問右問同 check得非常嚴謹﹐要我地每個相機同 lens都開出來(我地帶左三個lens呀﹐幾麻煩) ﹐加上心急轉機﹐去到又要轉巴士上機﹐我倆係最後上機﹐真係有驚無險。

去到Vienna機場﹐興奮心情已經出晒來~我地搭 CAT(機場快線) 再轉火車去酒店。之前已經找好資料﹐德國同澳地利都係自己買車票然後 punch 張車飛﹐無人理你但會有人查飛﹐連車開門都係自己拉﹐有部份舊車無冷氣~

去到酒店已經係下午三點﹐發現條街極清靜﹐之後先知歐洲星期六只做半天星期日都全日休息﹐平日D店舖都係九到六﹐連超市都係~

酒店D小姐好好人﹐我雖然已經計劃好行程﹐但每日出發前我都問櫃台小姐(都係本地人清楚D) 同比D意見。澳地利人英文吾錯﹐四處問人都無問題(之後去德國﹐發覺好多人都吾識講英文)

歐洲 D 酒店房好細間﹐不過價錢就仍然o甘貴

酒店係 Rathaus (City Hall, 市政廳) ﹐所以一出已經係旅遊區~ 四處都見到電車﹐條街非常乾淨。

Rathaus

Parlament, 好多人~

穿過 Volksgarten, 去了Hofburg~ 前面擺 fair, 所以極多人~ 但後面就人影都無。

你話間野有幾大

串燒古古力﹐€ 2

裡面係 SiSi /Lipizzaner Museum~ SiSi 公主真的很漂亮﹐所以我也買了她的 postcard

四處都見到 Benz 的士 ^^

門外見到有人示威~ 所以好多 Polizei~

下午去了 Nordsee  吃 Tuna/Salmon wrap, 四處都見到呢間魚魚店~

Graben 附近最多人

Pestsaule 黑死病紀念柱﹐個天使好兇狠 :p

St Peter's

門外好多馬車﹐四處都聞到馬屎味道(臭)

Stephansdom﹐可惜遲左上吾到頂﹐不過真係好宏偉

教堂入面多人

七點幾已經頂吾順﹐又時差﹐係酒店附近買左 pizza 就上床﹐準備明天更緊的行程。