世事難料

這兩天都好唔開心, 點解? 

 我住的那條村一間飯店的狗狗昨天離開我們了. 或者你會問為何我會這樣的傷心.  我住在這條村九年了, 我入住這條村時, 這隻狗狗已經住在這間飯店的了, 但係一路都無人幫狗狗(肥婆)攞狗牌的, 而肥婆每一次起水時都會被其他狗公強姦她的, 當然每一次都會生下好多狗仔. 記得有一次她生下狗仔第二天的晚上, 有一個村外的女仔走到她面前看狗仔, 大家都知, 母狗係好保護自己的狗仔的, 所以肥婆就係那個女仔的腳跟咬了一下, 那時那個女仔沒有流血也沒有受傷, 但她去了醫院報了警, 第二日早上, 我返了工, 忽然電話響起, 電話傳來哭聲, 我媽咪話肥婆被漁護署的人捉走了, 連埋所有狗仔都捉走了. 還叫我一定要帶肥婆回來, 因為當時的工作, 所以我認識宋皇台狗房的主管, 在他的幫助下, 我兩日後帶了肥婆回村, 因為漁護署要求要幫肥婆攞狗牌, 最後村中有位叔叔就做了她的主人, 有一日我還帶了肥婆去做絶育手術, 回到村後, 我嘗試俾狗糧佢食, 但係因為這麼多年佢都係食人的食物, 所以最後我都係失敗的. 每一個人見到肥婆都以為佢無飯食, 所以就不停的把自己家中的湯渣, 食餘的飯菜, 通通都放進她的口中, 她的身體一天比一天的肥, 一天比一天的重, 開始無人照顧她了. 以前我會幫她沖涼的, 但係每一次沖完涼, 佢又會走到一些好臭的地方, 不停的卷自己的身體, 真係激死我呀, 自從生了陳諾彤之後, 我都無時間再照顧她了, 就是近日原來佢身體好唔舒服, 我都唔知道, 直到昨天下午, 我在舖頭時, 電話又響起了, 叔叔話我知肥婆瞓覺了, 知道後我流下眼淚, 但係還要解決的是, 如何處理肥婆的後事, 當然無人願意合資把肥婆火化, 最後放在黑色膠袋被食環署的人帶走了. 我回到家時, 見到她還在膠袋內, 眼淚不停的流, 無甚麼可以做, 只說了一句, "肥婆, 你去到第二個世界一定要過得開心啲呀".

肥婆係一隻好有人性好底錫的狗狗來的, 佢會認得我們住在村的每一個人, 如果當晚上村的大閘關上後有外人入村的話, 佢會一路跟著那個人的, 重有呀, 如果你一見到佢叫聲佢, 佢會望住你笑的呀. 所以我從來都唔會叫佢做肥婆的, 我會叫佢做 "肥寶", 因為佢係我們條村的寶來的嘛, 你哋話係唔係?

其實我唔係好想把她的遺照俾大家睇的, 只係我想在這裡留她一個記念. 這張相係我叫彤彤daddy一定要影的.

肥婆, 你安息啦.

一天的不開心還未平靜, 想打個電話搵一個好耐無見的叔叔, 佢係西貢開狗場的, 佢教過我好多養狗和教狗的知識. 本來想話佢知肥婆走了, 耐何.............

佢話我知佢病了, 係胰臟癌, 已經去到好壞的地部了, 那一刻, 我真係唔知講甚麼說話好了. 只能說句 "你要保重呀", 在兩天都收到唔好的消息, 原來好樂觀的我, 一下子都笑不出來了. 世事難料, 我們還可以掌握到甚麼呢?

及時行樂, 祝我們每一天都可以開開心心.