7月3日，二舅父生日

喂﹗大佬﹐幾時同我補祝呀﹖

三哥要戒口﹐咪一陣隻腳又痛到發燒行唔到﹗帶佢去齋鋪啦﹗

長腳蟹我呢樹大把喎﹐阿拉斯加游過黎﹐可能好味D﹐幾時黎試下﹖

Bibi 就講得0岩啦﹐不過我都明你點唸﹐所以你買野唔緊要﹐最好單聲先﹐客房仲有廿幾份玩具(娉怡生日會D禮物)排緊隊等放監﹐唔可以一次過放晒出黎玩嘛﹗好彩你無買煮飯仔﹐因為我地唸住呢個週末去買﹐煮飯仔可以玩好多年﹐唔適宜買啤啤﹐相信好快會變心。想當年娉怡兩歲我地送 Dora 煮飯仔做生日禮物﹐點知三歲就愛上 Hello Kitty﹐連卡通片Dora 都唔睇啦﹗

靜雞雞話你知喇﹐最近發覺軒軒唔專一﹐成日都嗌住麥嘜﹐睇DVD又要麥嘜﹐講故仔又要麥嘜﹐今日食小食﹐我欏左一隻新買無耐既 Pooh 啤碟﹐一隻家姐揀既豬仔碟﹐佢竟然唔肯要啤啤碟要搶家姐隻豬仔碟﹐好彩家姐肯讓﹐無大打出手﹗

不過買玩具真係要買質素好﹐因為軒軒久唔久會擺玩具入口﹐有時娉娉都會 (學細佬)﹐如果品質唔好﹐D顏料甩色﹑有毒﹑含鉛/水銀﹐咁就大鑊啦﹐出事都唔會知﹗

其實買乜鬼丫,我好明謝西嘉嘅心思!買禮物都唔係咁大問題,問題係郵費咁貴佢會覺得好唔值!其實你哋多d時間同佢傾計,網上嘅祝福佢已經好感動,仲開心過收禮物!反正佢哋出年又會返嚟,信我啦,等佢返嚟先送比佢佢會仲開心,佢同我一樣,唔鍾意人為自己破費!

你哋開到咁明講買咩比軒軒,比謝西嘉見到實鬧鬼你哋!佢唔鍾意人買玩具同駛錢架嘛,我靜雞雞買,唔會好似你哋咁揚!

多謝提供資料, 我都唔知買咩比軒軒, 都未買到, 今個星期一定要快快快, 否則又趕不上...

haha........我都想揾winnie the pooh 玩具俾正軒呀.......

玩具反斗城嬰兒部有大量bear bear玩具,sogo都有好多!你想買bear就問我啦,我最鍾意bear bear架嘛!

依！好似未講多謝喎。雖然食唔足3個鐘，食唔到生蠔點都覺得賺小咗。

似乎要向啲細舖入手，才有機會買到啱軒軒玩的小熊維尼囉。

玩具反斗城咪大把囉,我成日都想買不過我唔捨得啫!你邊日去就叫埋我啦,冇得買我玩吓都已經好開心架啦!

嘩！呢個舅父真係好，行咗咁多地方搵禮物，咁等我都幫你留意吓啦！