5月Blog友親子行山樂報告

今日陰天，有微風，無落雨。

[5月Blog友親子行山樂] 如期舉行，人數加埋我只有6人4大2細，包括小蜜蜂 一家4口同唔駛點訓嘅愛新覺羅●譚小咪 ，人數雖然少但易於控制時間，壓力少咗好多Lu，多初的確有啲擔心人太多唔知點處理同安排。

今日逸天同悅天兩兄弟都好乖，雖然沿途上山都要抱抱，好多時候都係自己行，1個鐘頭左右就去到第一個休息地點[大平地]。因為愛新覺羅●譚小咪 下午要返工，我哋就係度先食一輪小點，最起碼都要試吓我整嘅芒果布丁吖，重有Flora整嘅馬豆糕呢，我整嘅芒果布丁得唔得，小朋友係唔會講大話，逸天話:[我想要多啲] (好似係咁上吓啦)，食完再添食，咁你哋話好唔好食先，，真係開心C我。

至於愛新覺羅●譚小咪 ，噚晚開工到今朝收28:45，一早就到真係唔話得，我倆第一次見面，她一嚟到就認到佢，因為佢副超太型喇，最可惜她要返工唔可以玩足全程，希望下次可以啦。

我哋12點左右已經上到大風坳，比預期早，當初諗住到咗大平地就會掉頭走，估唔到天天兩兄弟咁快就上到去，而愛新覺羅●譚小咪 都可以一齊上到大風坳洗個面至走，又要趕返工真係辛苦晒。希望下次可以玩得輕鬆啲唔駛趕住走啦。結果，今日食埋野餐玩到成2點半至踏上歸家路(今日無乜準備結果要黐餐添，多謝小蜜蜂 )，唔知點解今日無乜影相，本來諗住同天天兩兄弟影張合照，開頭唔熟影唔到，臨走時候又開始眼訓，等下次熟落啲再影過。細嘅唔熟啫，大嗰個(愛新覺羅●譚小咪)熟啲啦又唔記得影番張相，又要等下次。

Flora 準備充足，好彩有2個轆嘅車拉上山，都算好輕鬆。

哥哥天天比較怕羞，要啲時間至可以熟落，細佬好識講嘢，咁細嗰已經可以用簡單句子去表達自己，佢真係好叻又有禮貌，好得人鍾意。你哋睇吓Amy姐姐係後面幾鬼馬。喱

喱啲我唔係好肯定叫楊梅定西梅嘅野果沿路都發現有好多，有啲相信過多2個星期就可以熟到摘嚟食。