又來了 !!!

凌晨3:24分.......

"嘭" 一聲巨響, 將我從睡夢中驚醒!

我望一望床頭個鍾, 凌晨3:24分.......

其實吾使問都知咩事啦! 

吵鬧聲就如在耳邊, 加下物件掉落在地上的迴響, 就如環迴立體聲!!

點解d人可以咁無公德心架? 你吾訓人地都要訓架! 點解你地成日都是咁架!

身邊傳來 "唉! X@#%^" 原來老公都被吵醒了!

...........................3:30分

...........................4:00分

吵鬧聲未停, 而且愈來愈大聲!

原來今次吾是男人同個女人吵, 是個女人同個仔吵 (同前夫生的仔, 今年14歲)!

大概是因為個女人話個仔玩左成日電腦吾肯收手, 所以就吵起上來!

佢個仔話個女人, 駝住佢的時候仲去搵男朋友, 而且當個仔是搖錢樹, 來問佢老豆屋企人攞錢!........

...........................4:30分

依然持續, 而且這時候個阿媽終於將個仔趕左出門口!  我同老公到呢個時候, 終於忍吾住啦! 起身開燈, 點知喺呢個時候, 有人拍我地道門 :

"報警ar吾該, 我就來被人打死la, 求下你報警la, 救命阿!!"

喺果一刻我地可以做的都只有是幫佢報警! 

999按下去, 交待了詳細地址同大約發生的事情, 可以做的只有等, 我地根本就吾夠膽開門, 因為前一天先發生有人比人砍死的事件, 所以我真是好驚囉!

.............................4:49分

兩部警車來到, 警察拍門問咩事, 之後又問我地攞左身份證登記!  警察草草交待幾句我地就關上了門, 始終件事都吾是幾關我地事, 我地可以做的都做左! 希望個小朋友無事啦!

............................5:42分

警察終於做完野散去, 世界終於回覆平靜!  呢個時候我地先致可以繼續訓我地的教!

唉!

............................早上11:46分

"嘭" 一聲巨響, 又將我從睡夢中驚醒! 又開波.........

好, 算我怕左你地, 我吾訓 la, 滿意未阿???

警察走左有幾耐阿?? 又開波? 天阿! 你地到底有咩仇阿? 點解吵極都仲有野吵架?

將電視聲開大, 一於吾聽, 吾理! 因為真是吾知可以拿她們怎麼辦! 唉!

...........................中午1:26分

又有警察拍門, 不過呢次是個女人的前夫報警, 話佢打個仔!

唉! 點解呢個世界上有d咁的阿媽? 佢竟然同d警察話, 一定要即刻叫佢前夫接走個仔, 如果吾是你地一走, 我地又吵架啦!

個警察話, 咁我地同你前夫傾下啦, 但是佢吾肯我地都無計架! 咁你是咪一樣要 "嘚"佢出街ar?

個女人話吾是, 不過佢吾走我地就會繼續吵到死為止, 我驚我咩都做得出阿!...............

唉, 真是吾知, 既然吾識得教就咪生啦, 害人害己阿!    唉!