經濟蕭條

果然係經濟唔好‥‥ 今日去見工已經2nd in都仲有好多好多好多人‥‥ 我約10點‥ 去到已經有件坐響度等緊‥ 行入去做test個陣又見緊個‥ 走個陣房有一件，廳又坐左件‥‥ 嘩‥‥ 洗唔洗呀‥‥ 又唔係咩勁工，有10萬8千7咩‥‥ 哈哈‥

講起今日就樣衰同有d好笑‥ 有條褲媽咪響佢公司買既‥ 今次第一次著‥點知就"賴"野啦‥‥ 由上車到見工到見完行去廣東說搵人食飯去廁所先發現‥‥ 原來條褲爛左成隻手掌咁大既lone‥ 嘩‥ 雖然我件褸長長地‥ 但唔排除人地會見到‥ 唔知見工個d人見唔見到‥ 哈哈‥ 好樣衰‥‥ 於是響等個frd放lunch既短短30分鐘內我就要搵一套衫去換‥‥ 真係好搞笑‥

同rita食完飯行左去page one見到本書好岩個舊同事"選擇放下，就能活在當下"，佢個msn既名長期寫住"生活是痛苦"的，個人又長期烏雲蓋頂‥ 希望呢本書可以幫到佢‥ 生活唔可以話日日都咁美好‥ 但未至於日日都咁痛苦掛？﹗怎樣過生活，其實我地係有得揀既‥‥ 要開心定唔開心，其實我地都係有得揀既‥‥ 人生固然會有好多挫折、失敗、苦惱等等‥‥ 但係只要懂得點樣去面對，點調節自己既心態，其實呢一切一切都係自己可以控制的‥‥

仲有呢個星期我同阿kim已經confirm左easter會去上海 + 常州，大家又可以聚首一堂狂hea啦，yeah~~~ 好開心呀﹗好似回到未畢業時咁‥