上海上海上海

我同阿kim既上海之旅話咁快就結束左啦~ 真係好唔捨得﹗好掛住同阿花日日一齊hea既日子。雖然已經去過上海4次，但今次最開心，因為好耐未試過同阿花、vanessa、阿kim一齊聚首一堂。

今次既意外收穫係阿花終於肯同vanessa見面﹗真係歷史性既一刻﹗王青真係好叻，可以說服到阿花同我地一齊去蘇州～ 自從響德國返黎之後，我地都未試過4個一齊出現‥‥ 已經6年啦~ 如果有一日連king sir、高天如都一齊無哂隔膜咁開開心心hea就好啦‥

好鍾意阿花佢地既新屋，好warm又整齊‥‥ 好多謝靚業為我地安排既一齊，好窩心既香蕉朱古力蛋糕‥‥ 又成日morning call我地‥ 又晚晚都陪我地hea到2、3點(我地幾個就話唔洗返工姐，佢日日都要7點幾起身，真陰公‥ 但係點解d皮膚仲可以keep得咁好架？﹗)仲有vanessa細心既安排，蘇州既招待真係好貼心，佢仲係同以前一樣咁好笑，仲俾左d蘆薈我做mask添~ 真係好想介紹靚業同vanessa認識，佢地一定可以做到好好既朋友﹗

之前一直久仰大名既金茂相士終於見到啦，希望如佢所言我今年真係喜年，會人財兩得啦，嘿嘿‥　我要快Ｄ去剪頭髮先，好好去迎接５月既來臨﹗如果今年真係喜事重重既話我一定要返上海多謝相士先生呀﹗

返到香港日日都好掛住上海既無敵ＨＥＡ日子同埋個度既美食‥‥蛋餅、蔥油餅、生煎包、湯包、脆膳‥‥　如果我長期住響上海應該會肥過未減肥前既欣宜﹗我會努力開始搵上海既工，ＹＥＡＨ﹗