舊信

尋晚屋企人全部去晒街街.... 我放工又唔想四圍去..... 最後, 都係買左野食就打道回府!

食完野, 行入房想攞衫去沖涼啦, 點不知~~~ 我望住我果間幾個月冇執過既房, 突然間好有衝動執下佢wo..... 好啦, 我不嬲都係想做就做.... 就係咁.... 一係吾執, 一搞就搞左幾粒鐘啦~而家攰到呢!

我發覺, 原來我好多好多舊野都係吾捨得掉(不過絕對吾係吾捨我掉報紙雜誌果d), 以我尋日所見... 好多仲響我間房出現既舊物件, 大多數都係拎起手令我有回憶既野! 其實, 回憶裡面太多人.. 事...物, 全部串連起, 有時真係吾知好定吾好! 原來.... 由細到大收到既信我都冇掉過..... 睇返, 好多好多野又響個腦入面出現, 不過吾知點解.. 好多都係吾開心既..... 所以, 果堆信令我喊左一場, 最後我決定解決左我呢一堆"爛回憶", 今朝早一早返公司將d信一封一封放入碎紙機.... 睇住d信一封封變成一堆廢紙既同時我好on dog咁諗~ 以前發生過既野.... 會跟住呢一堆廢紙離開我..... 吾好再成日跟住我啦~ 不過今日仲要返去收拾埋個戰場, 因為我仲有好多野未執返好