紅男女白燒烤水上活動

唸起之前大家好積極準備食物同選擇地方！大家都左一句右一句！大家都談論得好開心！當去到七一早一個星期就掛起八號風球！又打風！又落大雨！仲行雷閃電添！令到大家好擔心到時落雨點算！好彩我地爛玩一族《糖水精主管》試跳停雨舞！佢晚晚都跳舞！去到六月三十日仲係間中有驟雨添！大家都吾開心！最後我地轉地方去左一個有上蓋的燒烤場！大家先安樂些！至少落住雨都燒到野食！最多玩水上活動時落雨都無咁驚！到左三十號各人買完自己負責的食物！準備明天的節目！

終於到左七一當日！天氣非常之好！岩晒玩水上活動！我地見天氣都好好就改左吾去有上蓋的燒烤場！用番出面的戶外燒烤場！好好彩樹底仲有個爐！幾大都霸住吾放啦！等左一陣就等齊晒人！女仔就準備食物！男仔起爐！好快就可以燒到野食呀！正！

今次爛玩精成員
爛玩精灰姑娘，小雲，小吉，babyfai，Jason仔，dada，悶蛋，超人
新會員：型姐，嚴Ka糖張，亨利大帝，五月的白兔，Tony，毒氣男


今次食物種類
丸類：墨丸，黑椒牛根丸，八爪魚丸，包心蟹子丸，包心芝士丸，龍蝦丸，炸魚蛋，白魚旦
肉類：雞中翼，雞全翼，羊扒，牛扒，豬扒，金沙骨，咖喱魷魚，雞肉腸，芝士腸，司華力腸
海鮮類：大蝦，青口，帶子，貴妃蚌，大眼雞魚，芝士釀墨魚仔
蔬菜菇類：鮮粟米，茄子，蕃茄，豆卜，青椒，翠肉瓜，椰菜，菇類，紫心蕃薯
其他：長法麵包，新鮮菠籮，綿花糖


望到咁多野食都流晒口水！個個努力叉呀，燒呀，食呀！！！

你睇幾大隻蝦幾大隻帶子同埋幾大隻貴妃蚌!




因為隻帶子大隻得滯驚燒吾熟！最後要用呢個起肉方法去煎！又真係好好味呀！


仲有dada私房意米水！解渴！同埋飛飛心意甜品！正呀！


個個食飽飽後！準備下水禮呀！個個紛紛去換衫準備玩水！
吾知係咪好耐無係沙灘玩！個個未落水淨係影大合照巳經顛晒！
影完大合照之後！個個沖晒落海！吾理三七二十一！沖呀！沖呀。。。。


落得水梗係會濕身呀！因為會長凍一路企係岸邊吾落水！
最後佢做左我地第一個《七一回歸帶你賞浪花的目標》！
你吾想濕身我地偏偏就整濕你！會長賞完浪花之後！
就開始每個主管開始賞浪花！都吾知幾開心呀！
有個新會員見到我地玩得咁開心都自自動動埋黎享受呢種樂趣！


賞完浪花之後到第二環節！就係痴痴呆呆撐你出浮台！
我係遊戲主管梗係以身作則做第一個呀！佢地幾落力呀！
幾個撐我出海！都吾夠力出左少少！我咪再爬多幾下爬出些！
然後施施然慢慢爬番埋岸！都吾知幾爽！可能見到我咁正！
咪一個一個輪流撐出去！撐下撐下咁就撐晒全部人呀！


突然間有人提出！反轉再反轉！我梗係吾執輸做第一個呀！又係正到暈呀！
呢個遊戲無難度！個個玩完又再添食玩多次！你睇呀旦個樣霖到吾舍得走！


更有人話不如玩不停站咁轉呀！你估邊個試呀﹖
哈哈！又係我呀！佢地都轉左好多個圈！但我都未放手！
繼續比佢轉！最後佢地大約轉左到十幾個圈！因為無力放棄無轉到！
不過太爽呀！又上又落！正呀！


趁呢個機會同小雲拉龍出海玩下浮床先！小雲吾駛動隻浮床都向前行！
因為我用左摩打腳！


未上水前影番張大合照人造浪花！《你地睇幾壯觀！幾靚！》


個個都轉到無晒氣埋岸抖下玩岸上遊戲之際！我先發覺吾見左張小浮床仔既！
好似dada話防鯊網附近好似有一樣灰色物件浮下浮下咁！
我即拿拿林拿張浮床出去睇下！
點知爬到浮波區範圍見到有個撐艇仔救生員咪問下佢果個係咪小浮床！
佢話吾係咪爬番埋岸！當我一路爬咁我就順便睇下岸邊有無灰色物件！
又比我遠遠望到老遠岸邊見到小浮床仔！
埋岸後放低浮床後就行去另外果邊去拿番張小浮床仔！
真好運！吾見左咁耐都比我執得番！


之後我地就玩沙灘數字球！邊個輸三次就要罰！個個都會博晒老命！


吾知點解﹖旦旦人緣好定仇家多呢﹖好似個個都叫佢又或者拿個波拋佢！
噢。。。又係佢輸左！大呈罰！做人肉堆沙彫像！jason仔都幫埋手一齊堆！


大家玩到興致勃勃時就聽到話：現在離開完場仲有三十分鐘！
真係開心不知時日過！個個帶著失望心情去沖身及執拾物件！
大約七點前個個清洗乾淨！就到荃灣食晚飯！
之後就完成今次《七一瘋狂沙灘對對碰》！