2009 中興盃 及 毅行操練(四) 城門水塘 至 荃錦坳

         今早五點幾，梳洗整頓，安排今天裝備，跑完10K，再操番轉大帽山，配搭上會多左一點 。

       相約消閒跑友，荃灣早餐，轉的去起點，抵達時人頭湧湧，排隊攞號碼布精片。

       寄存行李，慢 jog 熱身，途中見到大埔跑友霍 Sir晨咁早係大埔跑黎打氣，趁趁熱鬧，多謝捧場。

        今日所跑既引水道，同一個月前黃昏賽同一賽道。 最不同是今次愈跑愈熱 ( 太陽伯伯出來了)。比賽中，各跑友互相打氣，有鬥志。

      今次又有相識跑友金兄、Ms Money 及 Amy 攞獎，恭喜哂。

       隨後，一班友吹水午餐。

       下午難得消閒三隊十二人，更配合埋support team 既跑山王 (馬王是也 )及行山王 (中哥) 抽空一齊誓師操山。

      由城門水塘經菠蘿霸上鉛礦坳，麥徑第八段，大帽山頂，落荃錦坳。

         跟住大隊再去荃灣任食火鍋，盡地飲餐飽，刷餐勁，補番哂一整日既體力透支。