暗恋你 暗恋你

     我，叫向佑，20岁果年我中意左个女仔。
        第一次见你果日天落住好大雨，我系街口既花店外面避雨，而你就系花店里面打理紧鲜花，知道吗？果一刻，再靓既鲜花都变得黯然无光，因为我眼里面只系见到你。当然，你系唔会留意到平凡既我啦。自此之后，每次经过花店我都会行得好慢，每个假日都会去花店对面既cafe坐一个下午，为既就系可以望多你几眼。我知道你最喜欢香槟玫瑰，因为你特别用心去打理。终于，我鼓起左勇气黎到花店想向你表白，点知当我望住你既时候，原本倒背如流既开场白竟然因为我既怯场而变成左“唔该比支香槟玫瑰吖”，呢句说话一讲就系3年，3年黎我每日都会去花店买一支香槟玫瑰。1095支香槟玫瑰，1095次失败既表白。忘记左从几时开始，每日黎买花成为左我生活既动力，因为买花既短短几十秒令我可以更加留意你，我知道你喜欢紫色，因为你衣服、饰品以及店里面既好多摆设都系紫色系；你喜欢着裙，那怕系深冬，3年黎，你只系着过12次长裤同4次短裤；你有3个耳洞，但平时只系会戴一只耳环；你用左手写字，但就用右手拿筷子。。。我了解你好多野，但就唔了解你会唔会接受我，每次想向你表白，我都同自己讲“唔得！今日唔系时候，我未准备好，都系下次先啦。”结果有一日，有个男仔去左花店同你表白，你接受左，果日之后，我就无再去花店买花，而你后来就同左果个男仔结婚。。。

     我，叫天晴，18岁果年我中意左个男仔。
        你出现系一个落住大雨既下午，望见你既果一刻，雨势同人群仿佛都变得虚无，只有你系真实。避紧雨既你会唔会发现我对你既注视呢？如果话遇见你系偶然，我更相信系注定，因为自那以后，我经常都见到你。原来你每日都会经过我既花店，点解以前无留意到呢？我知道你喜欢蓝山咖啡，因为每个假日你都会系对面cafe度饮住蓝山咖啡坐一个下午。知道吗？每次我都会故作打理鲜花，然后企系最接近门口既香槟玫瑰前面偷望你，渐渐，我越黎越喜欢香槟玫瑰喇。后来，你竟然每日都黎买花，而且仲系买香槟玫瑰，是巧合嘛？我应该可喜定系可悲？可喜，系我地每日都有几十秒既专属时间，可悲，系你买既香槟玫瑰应该都系送比女朋友。。。无论如何，你既到黎已经成为左我每日既动力，至少我能够更了解你。我知道你喜欢蓝色，因为3年黎，你有472日都系着蓝色系既衫；你左手既痣系无名指下面；你着41码鞋，因为我量过你留低既脚印。。。我好了解你，但就唔了解你会唔会喜欢我，其实我每日想听到既唔系你果句“唔该比支香槟玫瑰”而系“支香槟玫瑰系送比你架。”终于有一日，你拿住1095支香槟玫瑰花干，黎到花店向我表白，迷恋你既我当然接受左你啦。果日之后，你就无再黎花店买花，但就每日都黎花店帮我卖花、收铺、送我番屋企，而我后来就嫁左比你。。。