網誌分類:未分類 |
呢排都密密搵定工~但好難就啊!!因為我既好姊妹就黎結婚,我好想等佢結完我做完伴娘先開始返工,因為唔想一轉新工就請假....![]()
琴晚放工既時候收到電話叫我今日去見工,雖然已經無曬資料~但都去見下無妨!要去到火炭見都幾遠下.....去到又要試我打字,又坐成粒鍾...又介紹佢公司啲好處...又話每年都會請啲員工去旅行.....(都唔知係咪?!
)跟住同我傾左陣問我幾多號返得工?我吹水話要25號~哈哈,佢居然肯喎!!重比左份合約我簽~不過份水蛇春咁長既合約睇到我O曬咀....佢重話叫我呢段期間有咩問題打返去!我返到去同玻璃佢地講.....唔知點解佢地無人贊成我做??!
佢地話肯定唔好做喎...
又話份合約啲要求好苛刻!!
我都唔知呀!!??不過我諗要搵真係唔難既...因為早前都有份請左!!不過返太遠無做~![]()
見完工同左KEN返屋企租碟睇~租左套<冒險鱷園>,好好睇~~
到左夜晚出左去荃灣同羅生食飯~連羅生都話份工唔好做....點呢?

