早幾日落街O住去灣仔，所以咪搭電車囉！
"薯"不知比我碰到我深愛的"120號電車"！(好鬼難碰到佢)
點解我咁鐘意"120"...大家有所不知，又要由我童年回憶講起。
本人小學二年級由新界搬到香港住(重要住中環添)
給我印象最深就係電車，因為九龍同新界都冇它的蹤影，
自此於八十年代，我的少年時期，我跟"它"的感情一天一點的建立，
因我屋企屬於自由派(八十年代...典型父母忙於工作而不加理會那種呢！)
所以我有很多"空間"及"自由度"去考察民情，而最平最方便當然係搭"叮叮"啦
而這"120電車"應該係現時
唯一的一部舊款但仍於路面行駛之電車！
你留意它的座椅款式、車頂電燈、木窗、樓梯等依舊如昔。
而給我最有感情其實係棧燈，因我印象中每逢落雨那棧燈之玻璃罩
都會有雨水於罩中蕩漾，甚至有時因為燈泡還亮而冒出一絲白煙...十分可愛！
而椅的設計，因它用"籐網式"的做法，所以散熱非常之快！
其實它都非常襟用的，只不過後期轉換咗膠椅了。
所以大家有機會搭"120電車"記得慢慢欣賞它。
P.S.唔知大家知否80's電車係有頭等拖卡呢？下次再跟你哋講！
