大象供股—慘不忍睹

睇見大象搞成咁，作為前朝臣子，不免有啲悕噓。早喺三年前我已經叫人唔好買或者係增持大象。原因好簡單：睇management 做嘢就知嗰間公司有冇問題。千祈唔好誤會我要雪上加霜，大象依然係俾起好多corporate 或者banks都重係正好多。只係佢無以前嘅自已咁正啫。同大家分析幾點就知道嘞。

1.值民地主義色彩係回歸後十年依然強烈不堪，即係廢鬼多過有用人。雖然話好多大班都係中國人，但係下面做嘢個班、話事或者主力都係鬼。就算今次金融風暴下，裁員多次都無裁走啲廢鬼，反而價廉物美嘅中國勞工佢地就裁哂。咁邊個孭數至得架？

2. “饑饉”嘅CEO風格同過去嘅大班好唔同。非但country嘅CEO頂佢唔順紛紛請辭，就連同“綠綠仔”佢都唔多friend。記住，嗰啲CEO好多係大象都做咗等閒有二、三十年，邊個啱，邊個錯都係其次，有經驗嘅管理層流失，點計對公司都係冇着數。頂佢乜嘢唔順？小事不過類似係有人叫個country CEO好似跟班咁攞住個公司包咁啦。俾着我地啲香港奴隸又有乜所謂吖！不過人地係鬼佬嚟加嘛，梗係唔happy啦。

3.買錯嘅嘢絕對唔止淨係“家品店”。重有副台灣牌。係嗰邊重搞到七國咁亂，日日見報。

4. 好多部門引入嘅印巴籍人士，非常之思鄉兼且團結。升遷一定係自已人先。重唔理啱唔啱，擺咗自已人係度先。鄉里勝於一切包括盈利嘅文化加埋山頭主義，日日同埋堆英國佬兩幫爭度地盤，家嘈屋閉，點會有好成積俾股東睇吖。

重問供唔供股？you lum you la...