朗朗近況！

朗朗返左playgroup都有幾個月啦！自佢一歲開始，我就俾佢學下英文、普通話同腦部訓練，雖然佢未識講，但起碼佢識聽，都算識跟住做啦！雖然有好多人都問: 駛唔駛咁早學英文同普通話呀? 但係我覺得，既然6歲前係學語文既最好時機，點解唔爭取呢? 時間過左就冇架啦...老實講，每對父母都想自己既子女讀書好，我自問心諗既都係，但就唔會太勉強，因為我知道讀書都要靠天分，但始終將來出黎社會做事總要有啲學識架麻！既然係咁，我不如而家先俾佢打好個底，總好過將來要補習呀！講真，我唔信補習可以增進知識囉...只係為左考試而設，對佢一啲好處都冇！反正都係要用錢，我何不而家用呢！早啲學，吸收都快啲！社會始終都係識英文同普通話吃香啲麻

講完playgroup，又講下朗朗呢排既近況啦！佢而家開始學講野啦 daddy、媽媽一向都識講，而家仲識講奶奶、嫲嫲(不過同媽媽既音調差唔多)、爺爺、公公、婆婆(差少少音)、車車、yeah同hi等，叫佢名時仲識講"到"添！佢仲識轉圈、踏踏腳、舉高手、分辨身體各部位同人，不過佢分辨顏色就差好多啦......教極都唔識 試過同佢做啲分析，報告話佢分顏色係弱啲喎！唉......唯有花多啲時間繼續教啦！

不過到現時為止，佢而家一歲四個月，都叫做ok啦！起碼冇落後太多。但就仲未識叫要痾臭臭，我知佢習慣食完第一餐奶就會痾架啦，所以曾經用罈罐俾佢痾，點知佢係都唔痾，冇法！唯有等佢再大啲先啦！但好多bb已經識啦...我都知唔好同人比較，我一向都唔會，只係覺得快啲識去廁所，可以快啲慳番啲尿片$$麻..........哈哈 真係好貴架！