朗朗17個月啦！

仲有一個月朗朗就一歲半啦！時間真係過得好快！眼睇住佢成長既過程，真係好開心架！

朗朗而家開始學講野啦......咩都講，有時都唔知佢講乜勁攪笑！雖然講野唔係好正，但剛剛開始算係咁啦！不過有時個衰豬故意同我地作對咁，叫佢講時佢又唔肯講，成日話: "唔好"，俾佢激c！我地亦努力教佢講野，學禮貎，佢都跟到八成既，不過每次佢咳，教左佢掩咀，佢每次都係咳完先掩，真係.....吹脹！唔知好嬲定好笑！

朗朗就黎歲半，準備要學去廁所啦！之前試過拓住佢痾，點知佢又唔痾，有人話唔好太快迫佢喎，咁就等多一陣，到歲半先啦！

朗朗有個堂家姐，剛剛大佢5個月，但係佢就唔識禮貎，識既野朗朗都識，睇黎上playgroup都算有效既！不過要用太多錢啦...最近發現唔係好掂咁！睇黎要揾過間平啲既先得！