BLOG 主頁｜ 服務中心｜ 雅虎香港
      你好，歡迎到訪我的寶寶日誌！
      留言

      網誌清單

      編輯 關閉
      網誌 我的網誌內容搜尋：
      引用 檢舉

      馬灣之行

      網誌分類：未分類 |
      圖片
      網誌日期：2009-04-17 22:13

      今日我同老公仔都放假，所以決定同朗朗去馬灣公園影相，我睇過網頁都幾靚架！所以點都要去望下啦...好！出發！

      由於星期五只開下午，所以我地由青衣搭穿梭巴兩點到達，車費都幾貴架！要成$9。不過沿途風景又真係幾靚噃有花有草不特止，公園內既裝飾都唔少呀...我地一開始就係咁影相，其中有條叫做彩虹橋既，好似影結婚相既景添呀！勁多新人係度取景！我地都要等下啦...好彩朗朗又冇扭計，仲好識擺甫士添 我都要跟佢先得啦...佢對住鏡頭都算幾好，又肯笑！只係唔肯多行。其實佢未識行，只係我地有時放佢落地拖住佢咋...但朗朗真係好懶架！行兩步就唔願行...真係懶豬 反而之後行樓梯部分，佢又肯行喎...仲要踏好大級添...未學行先學走，睇黎佢遲啲識走既話，我地都好難追佢囉

                    

      原本公園內有個歷奇樂園同挪亞方舟，但因為只開俾團體，所以我地行左個零鐘就行晒啦...最後我地就搭船返荃灣，嘩...都要$8呀！真係......貴！算啦...起碼個景都靚既...而家好想挪亞方舟快啲開放埋俾公眾啦，好多野睇架麻...

      引用(0)
      共6個回應
      • 檢舉

        盈仔早早 2009-04-29 12:28

        你有睇我個blog, 都知我依家先追到去3月8日咋, 有排都未寫到去4月11日啦! 因為我懶, 又唔夠時間, 所以好耐先寫一篇, 我已經唔係day day寫嫁啦!

        瑤瑤咪都係咁囉, 曳曳豬一名!

        係喎, 朗朗係同瑤瑤同一日出世嫁喎, 下星期就係啦, 你哋點同佢慶祝呀?

        檢舉

        lik & winnie2009-04-29 17:11

        我地會去食自助餐呀！因為朗朗係同婆婆同一日生日架！
      • 檢舉

        candy 2009-04-28 23:50

         馬灣我都未去過,好似好遠咁,朗朗又大過咗喎,佢真係叻仔識咁多嘢
        檢舉

        lik & winnie2009-04-29 00:28

        其實係荃灣同青衣之間，有船入不過都幾貴架！但個景都靚，算係咁啦！

        朗朗只識曳曳同扭計，又惡，正一扭計b！

      • 檢舉

        恐龍仔 2009-04-28 13:34

        你地都好勁, 成日會同BB週圍去, 我老公又嫌麻煩又怕出街, 佢又唔會幫BB影相, 我有次帶BB行街, 我要叫佢佢至影, 影影下問我夠未!? 真係比佢激C!

        檢舉

        lik & winnie2009-04-28 16:30

        我老公又未至於唔鍾意出街同影相，不過要我嗌去街先會出囉...唔通啲男人唔鍾意黐bb既?
      • 檢舉

        橙橙 2009-04-28 00:11

          你地個pose 好正呀!!!!>v<
        我都好想去馬灣呀~~但係老公嫌遠 , 唔會去呢>3<~~睇你d 相當去左...haha
        日日番果間pg 係協康呀~~你睇下你附近有冇丫

        檢舉

        lik & winnie2009-04-28 16:27

        協康邊間呀? 我附近冇呀...平唔平架?
      • 檢舉

        昭彤媽媽 2009-04-27 23:00

        歷奇樂園同挪亞方舟遲下會全部開放俾公眾,我遲下都應該會去玩下
        檢舉

        lik & winnie2009-04-28 16:23

        知道幾時嗎?
      • 檢舉

        盈仔早早 2009-04-27 00:13

        4月11日我都去咗呀, 不過有排都未post到去果日啦!

        你去果日好天好多, 同埋你平日去冇乜人, 我果日係照多人囉!

        檢舉

        lik & winnie2009-04-27 11:17

        係呀...因為我咁啱放假，所以就冇太多人迫麻...點解你未post到呀? 瑤瑤點呀? 好耐冇見，肯定大個女啦...有冇曳曳先

      新增回應

      • 今日係5月bb第二次聚會呀！

        網誌分類：未分類 |
        圖片
        網誌日期：2009-04-11 22:06
        好難得約到三個bb加三個媽媽一齊，係其中一個既屋企聚會。不過出發途中，我係架巴士度扭眼訓，由黃大仙扭到觀塘，但只係訓左2分鐘就起身囉......媽咪話頂我唔順呢  今次呢兩個bb我都未...
        回應(5) | 引用(0)

      • 更新下朗朗情況先...

        網誌分類：未分類 |
        網誌日期：2009-03-29 00:35
        好耐冇上黎更新個blog添......怕因全城都用梗facebook，攪到我都唔知仲寫唔寫好? 好似要開兩個blog咁...其實都未必得閒寫...嘻嘻......不過為左朗朗，都要抽時間寫下既 朗朗就黎11個月啦，...
        回應(2) | 引用(0)

      • 今日到嗲哋比賽啦！

        網誌分類：未分類 |
        圖片
        網誌日期：2009-02-08 19:40
        今日到嗲哋比賽啦...都係馬拉松，不過係真既全程馬拉松呀！ 8點起跑，我同媽咪11點20分到達揾靚位，因為好多人架，而且又驚會封場唔俾人入去睇衝線位，所以我地要好早到達呀！不過媽咪好快...
        回應(4) | 引用(0)

      • 朗朗第一次參加比賽呀^^

        網誌分類：未分類 |
        圖片
        網誌日期：2009-02-07 23:17
        今日係朗朗既大日子 第一次參加比賽呀.........係BB爬行馬拉松！ 一朝早，我地好早就起身，準備好晒之後就出發到會展---bb展，亦都係爬行比賽既場地之一。第一次玩，其實係我呢個媽媽...
        回應(0) | 引用(0)

      • 新年快樂^^

        網誌分類：未分類 |
        網誌日期：2009-01-05 16:43
        新一年來臨了，祝福大家有個更美好的一年，個個身體健康，開開心心! 朗朗今日剛好八個月大啦 講吓佢近況先... 而家佢已經識爬識嗌，仲識尖叫添.......上星期我地帶佢去打波，當然佢係...
        回應(2) | 引用(0)

      • 朗朗識黐我啦......

        網誌分類：未分類 |
        網誌日期：2008-11-25 10:09
        朗朗呢排開始勁黐我啦 不過有甜亦有苦...... 甜既梗係佢黐我好開心啦...但苦既係我冇晒私人時間啦 而家我行到邊朗朗都要見到我先得，唔係佢會即刻喊架! 仲會係咁嗌媽媽添...哈哈^^ 不...
        回應(0) | 引用(0)

      • 半歲啦...........

        網誌分類：未分類 |
        網誌日期：2008-11-05 09:47
        唔經唔覺，朗朗話咁快就半歲啦今日諗番我大肚時個樣，以為生完會好肥，點知同未生時一樣，都有點安慰既...起碼冇點肥到先呀! 講番朗朗，佢仲未識坐，唔知幾時先坐到呢 但就口水多多，...
        回應(2) | 引用(0)

      • 朗朗叫媽媽呀^^

        網誌分類：未分類 |
        網誌日期：2008-11-03 21:50
        尋晚我個囝突然講左一次"媽媽"呀 話說尋晚得我同99同阿囝係屋企，我地好忙咁執梗野，阿囝就係度扭抱，我地都唔得閒理佢，佢就越喊越大聲啦...我就話: 唔得閒理你呀! 唔駛做呀? 跟...
        回應(3) | 引用(0)

      • 朗朗既玩意!!

        網誌分類：未分類 |
        圖片
        網誌日期：2008-10-11 13:34
        今日同朗朗玩騎膊馬呀! 真係有啲驚但又想玩，原來俾佢騎住時好重架! 都係嗲哋騎好啲  又有牛仔騎... 朗朗而家最鍾意就係食腳仔同轉身，不過有時想影佢轉身都幾難架! 佢好似知...
        回應(2) | 引用(0)
       

      R H
      G S
      B V

      #