今日返沙田探公公婆婆呀^^

今日係出左院之後第一次返媽咪度，全日都好開心呀有公公婆婆、同埋三個舅父同囝囝玩，囝囝就開心啦，因為熱鬧麻...又多人理佢，佢都冇乜點喊過呀! 只係換片時可能太肚餓啦...又未食得要等換埋片先，所以喊得好大聲，個個都話佢好惡呀...哈哈...我話: 冇得食喎...梗惡啦

下晏仲見到個同事添...佢話阿囝好似好大個咁喎...梗係啦! 有食媽咪啲豐富奶奶麻 我地返同走都要搭的士，好貴! 但冇計啦...帶住阿囝同架車仔，仲有阿囝啲尿片同衫仔，好多野呀! 難為老公囉...要拎咁多野! 辛苦晒啦 唯有代囝囝錫住daddy先啦 諗下諗下，每次帶囝囝返阿媽度，都幾麻煩架! 因為來回青衣沙田，又要搭的士咁貴，如果拎住咁多野同車仔搭巴士驚冇位坐呀...但冇計啦...冇理由唔返架麻! 我都想返阿媽度抖抖氣呀 而家諗梗每兩個星期返一次啦，因為老公要輪班，冇理由要我自己一個帶阿囝返架麻，梗要佢一齊啦!! 如果人工有得加就好啦...哈哈