坐月日程^^

等我講下而家坐月每日做既野啦...其實日日都一樣

每朝7:30，阿b就開始醒兼食奶，通常餵都要一兩個鐘架 約9:30，阿b食完就肯定唔肯訓，係咁扭抱，抱就訓，放低? no way...即喊...又要抱...有時唔理佢由佢喊，但佢好好氣，唔肯停，誓要你抱佢為止，真係屈服!!! 就係咁由9:30扭到下午3點到，同佢沖完涼先肯訓，但太早沖佢都會扭，可能真係朝早要起身卦...佢好精神但我就...沖完涼約4點終於肯訓啦，咁我就趁呢段時間上網同訓覺覺豬。

夜晚反而好啲，由4點訓到10點，由我攪醒佢，換片同食奶，之後俾佢再訓，凌晨4點阿b會再起身食，但通常要5:30先會再訓，跟住去番朝早7:30既循環啦...如果佢晏就訓既時間同夜晚掉番轉就好啦，咁我就唔駛半夜要捱眼訓起身餵佢啦，佢又可以介夜奶喎...

啲人話日頭同佢玩多啲，咁佢夜晚就訓林啲，但係真係好攰架...我都想訓啦，點玩呀? 我俾佢玩謝就差唔多 

坐月既生活就係日日都係咁，得閒上下討論區同啲媽媽傾計，咁又一日。