萬聖節

昏迷十二小時。

頭嗰八粒鐘都唔錯的﹐之後嗰四粒鐘開始發夢。

夢﹐的確係反映心底的事。

夢︰去日本﹐同同班某幾個同學﹐去到日本秋葉原﹐當時我都有話我去過﹐然後去嗰道係為咗睇一幢好罕有的建築。(注︰秋葉原只限於車站嗰附近係﹐行行吓就已經唔係) 嗰個罕有的建築物點解罕有呢？係因為它最近做咗 renovation﹐而當中用作嚟 renovation 的鐵好罕有﹐所以阿sir 叫我哋去見識一吓。 (原來日本可以咁輕易去到)

明明去睇嗰幢咁罕有的建築物的﹐但第一站竟然見到有一間雜貨舖﹐有龍貓袋賣o架！有人話要入去買野﹐所以入咗去﹐點知間舖頭名叫「日本城」﹐然後我仲好記得夢中講「呢間真真正正係喺日本的日本城啦～」。

買完野﹐睇完建築﹐我突然問「有無 book 酒店？」﹐同學們話無﹐但有宿舍住﹐就起程去。

行行行﹐行到個地方係類似黃大仙嗰條橋上面﹐望落去有黃色的的士﹐我哋諗住打的過去。點知當中有個人識個阿婆﹐個阿婆明明用日文講緊野的﹐我同姖講日文又突然講廣東話﹐勁奇。個阿婆話啲黃色的士去唔到我哋想去的宿舍﹐要搭返我哋之前行經過咗的綠色的士﹐之後我哋又行番過去。

行番過去之後﹐出到去係一個示範單位﹐另一邊仲要興建中的。諗住離開個示範單位﹐點知個個人都用緊人哋間屋的野。(我哋以為係示範單位﹐但原來係某日本人的一個住處。) 幸好呢家人瞓緊覺﹐雖然當時係早上﹐之後我哋靜悄悄咁走啦！

然後去上堂﹐同.......用電腦﹐上上吓又話有間商場執笠﹐之後去咗睇﹐點知見到啲 boots 五十蚊一對﹐超平﹐就買。

明顯地﹐我真係好想去日本﹐我亦都好想買 boots。哈～！

 十一月三號到期。

唔太好食﹐皮太厚﹐不過豆沙好香～！

 想食好耐﹐不過唔捨得買。 媽媽竟然買咗。   

雖然同樣地係金莎出品﹐除非好喜歡食黑朱古力﹐如果唔係﹐以金莎出品的野相比﹐棒子嗰隻金莎好味好多。

但呢隻勝在黑朱古力味好濃好香！！

雖然我喜歡食黑朱古力﹐不過唔會揀呢隻食。

傷痕﹐不減反增。

以上。