街坊保健站

其實自從7/7開始，我和我的義工就逢星期六，330pm - 530pm 到紅磡鶴園街馬頭圍道交界，匯豐銀行對面在街邊行人路旁搞0左個 "街坊保健站"，主要係幫街坊量下血壓同磅重，同埋整0左張保健卡俾街坊，等佢地可以將每次的結果紀錄低。

講真呀，雖然呢個真係一個好少、微不足道的服務，但我可以話比你知，每次我都係做得好開心，尤其見到有d街坊每次都0黎或者特登趁有空檔走過0黎量下血壓磅個重，同埋可以同街坊打下牙'佼'，互相問候下，我都會覺得好warm，好開心。所以，我依家每星期都好期待呢個同街坊近距離接觸的機會，嘻嘻。

仲有，有樣0野一定要講，就係大家一定要留意我身後的舖頭。雖然呢d相影時佢無開門，其實其他時間係有0架，不過我地就遇到個好好好好人的老闆，佢不單止唔介意我地阻0左佢部分舖面，仲比我地貼d字係舖頭話比人知我地做緊乜，有時佢會call佢d街坊老友過0黎，一齊量下血壓傾下偈0添，你話呢個老闆係咪好得，好正呢!!!!! (下次等我捉佢同我影張相同大家見下面先，嘻!)