種花記

14/11/2009

學校有個小project,每人一花親子栽種計劃, 每位同學都一盆植物同一包泥, 好啦叫dadi同你一齊整啦, 遲d要影相來做功課咖~

明德仔坐定定睇吓dadi玩咩先?

"不"d泥落去先~

睇吓兩父子幾時有收成先.睇唔睇到後面啊, 妹妹坐咗o係度玩除襪,哈哈~係咪好悶呢?

攞支筷子搞鬆吓d泥先.

你o係度裝咩啊??

好啦~搞掂可以淋水啦, 不過你唔係向住盆花淋, 噴到mama成臉濕哂啦.

都係等dadi幇吓手啦.原本搞掂哂唸住叫你捧住盆花影張相, 點之....唔知你係咪真係咁怕dirty,拎住唔夠兩秒,mami都未影得切你就一手掉開咗個盆啦, 搞到一地都係泥,又要重新整過啦, 唉~

妹妹就只好坐係度睇住先啦, 有得睇無得玩, 怕放你落地搞搞陣嘛.

哥哥又爭住同妹妹影.(一口牙的妹妹, 而家前面八隻, 入面同時出緊四隻大牙,所以呢輪都好忟憎)

p.s.哥哥咳咗差唔多成個月啦, 咳吓好幾日又咳過,  點解咁耐都唔好咖? 什麼保嬰丹,八寶散,猴棗棗末都試過啦, 都係止到一陣,跟住又來過, 而家晚晚瞓得好差, 半夜會咳醒, 見到佢已經好眼瞓,但又瞓唔到喎,俾水佢又唔肯飲,唉~明天搵第二個兒科睇吓先, 希望快d好番哂啦.