終於有得電腦用啦~

好耐都寫過BLOG 啦, 皆因舊o個部電腦賣咗出去, 但新o個部又未到喎, 過咗兩個禮拜没有電腦的日子~

不過都未嘗唔係一件好事, 因為好似小咗件事要做, 哈哈, 因為一開電腦閒閒地都個幾兩粒鐘, 仲要吼住佢哋兩個瞓咗先用得, 唯有自己唔瞓覺啦.

早兩日工人姐姐病咗, 唉~講起就嬲啦, 又唔早講自己唔舒服喎, 差唔多中午一點先同我講mom: I WANT TO SEE DOCTOR, 咁我咪問佢咩事囉, 佢先話早幾日都已經有小小頭痛, 只係食咗PANDOL但唔work ,仲話唸住SUNDAY 放假(前一日) 自己去睇喎, 但點之無開, 我話你有錢啊? 如果你自己走去睇無得claim番錢咖喎, (心唸之前你o係singapore做過無理由唔知係由僱主同你去睇咖喎??) 咁我咪拿拿林叫佢拎埋身份同佢落去睇, 點之.... 唉~ 一望入去間診所成十幾個人啊, 姑娘仲話已經無得睇啦, 叫我下晝先去, 但我下晝唔得閒要教琴點同你去睇呢??? 咪又拿拿聲同佢去第二間囉, 嘩, 又係咁多人要等十個啊, 無計啦照等, 等咗足足一粒鐘先有得睇啊, 好彩婆婆來咗同我睇住佢哋兩個, 但一個睇兩個都幾lei hei 咖, 婆婆好叻叻啊, 可以抱住妹妹又氹到哥哥瞓覺, 勁!

講番姐姐咩事先, 佢又無發燒又無running nose 又無咳,淨係話個頭痛同周身骨痛,於是我就叫佢食完藥瞓多d啦,  咁我打後o個兩日都自己湊番囝囝,而妹妹就湊咗過去婆婆度隔離, 我真係好驚啊, 佢哋兩個都咁細個,一旦中招就麻煩啦, 所以我叫佢你以後有咩事唔該早d出聲, 唔好搞到我哋lei 咁hei.

於是呢幾日又無電腦,妹妹又唔o係屋企, 我就全心全意照顧明德仔啦, 但佢忽然好痴我, 我連去toilet 都唔得啊, 從來都未試過咁咖, 但我又可以好輕鬆咁日日同佢周圍去玩, 湊一個真係容易好多, 所有時間都俾哂佢, 希望妹妹今晚番來佢唔會呷醋啦.