妹妹n1面試

話咁快就要同妹妹去interview n1啦, 一年前又係同哥哥來呢度, 不過可惜最後無交到留位費,所以之後無位, 今次mami有經驗會報多幾間, 唸住呢間近近地唔洗搭車, 到k1先報過第二間.

驟眼望埋去好似妹妹係最細個，因為佢仲未識自己行，哥哥個陣話哂都大佢成三個月咁多，哈哈～一陣唔知老師點in呢?咁細個又可以問到d咩呢?　

同樣地都係一家三口去,而哥哥就留o係屋企玩住先, 費時要睇兩個搞唔掂.

dadi要拖住妹妹周圍走, 等佢熟習吓環境先.(後面睇落妹妹好似好大個女咁^_^)

原來老師都知道咁細個問唔到d乜嘢, 所以都係俾玩具睇佢自己玩, 又攞咗兩張咭分別係貓同狗, 問我哋有無俾過呢d佢睇, 我話無啊, 只係o係街度見到,同埋去朋友屋企見過(咁仲實在啦)跟住老師扮狗叫"汪汪" 妹妹又學佢咁想發音, 同樣貓又係扮"meow meow"咁,佢話睇到妹妹好想講, 好想模仿,(我仲以為佢會問妹妹呢個係咩來, 叫佢讀出來tim) 跟住又叫佢俾嘢老師,但妹妹唔睬佢, 無俾到, 反而望住老師支筆,之後發覺原來妹妹好鍾意揸筆, 玩咗好耐都唔放, 就算俾其它玩具同佢交換都唔肯,搞到老師要攞過另一支筆寫嘢, 之後問吓我哋d日常生活,平時邊個湊啊咁啦, 臨走時妹妹識得同老師byebye同飛吻,好叻叻啊.

妹妹而家已經唔再係bb啦, 識得同你有交流, 可以跟住大人指示做嘢啦, 好似突然間覺得大得好快咁, 呢個月好大進步啊, 經過mama特訓之後(其實係出得街多咗)而家就係肯坐bb車啦, 唔會一放佢坐落去就喊啦, 而且眼瞓仲可以o係車度瞓得著啦, very good.

去年哥哥面試情況