長隆三天遊(II)

18/8/2009 (二)

可能前一日玩得太多機動遊戲, 所以夜晚瞓得唔好啊, 臨天光五點幾時要攬住佢先瞓到, 直頭係要成個人伏o係我心口度瞓啊, 責扁mami啦~ 不過之後瞓到八點幾就叫醒咗佢落去食早餐, 我哋執緊嘢時, 佢自己著好哂鞋喎, 臨出門口前我正準備叫佢著鞋先發覺,係咪真係好心急去玩呢?

先去食個早餐.

到啦, 今日o既行程係去動物園, 入口有好多水噴出來, 哥哥好唔鍾意, 索性搵頂帽遮住.

入到去先係見到好多不同o既雀仔,鸚鵡.... d顏色全部都好靚好, 好似公仔咁.

跟住就係明德仔最鍾意o既tiger, 因為屋企有隻大公仔tiger,佢成日攞來當木馬咁騎, 所以一見到就好大聲叫"tiger"啊, 好啦, 咁我哋一齊影番張先.

一d都唔驚, 影完相仲唔寫得走, 要摸吓佢先, 不過原來d毛唔滑咖, 都係我屋企隻rabbit滑好多.

好天到不得了, 不停要叫佢飲水, 好驚佢會中暑.

哥哥幇手餵魚魚.

好餵食o既海獅, 原本匿埋角落頭瞓緊覺都即刻游番出來.

園內都有小小嘢玩, 不過今次只係騎吓木馬...唔係呢度係騎雀仔,費時你今晚又瞓唔到覺.

買咗一棵大蕉去餵大elephant, 佢最鍾意就係餵嘢食咖啦, 我又o係側邊講吓,你睇吓d動物幾叻,一有嘢食就識得自己走埋來打開口, 唔似你啊, 要三催四請.

你睇吓又等緊你啦.

mami 唔小心掉咗條蕉落坑渠度, 又識得自己伸長個鼻執番上來食.

你都話佢叻叻呢!

國寶真係唔同d, 呢度睇得最舒服, 因為有得涼冷氣, 你睇佢幾識擺pose.

呢個又坐定定o係度食嘢, 好得意.

出番室外你睇吓d袋鼠,隻隻都熱到要攤o係度, 唔願郁.

又入番室內, 除咗熊貓,樹熊都好舒服, 因為又係室內嘛, dadi 話好似囝囝啊, 因為佢一唔願行就係咁咖啦.

我哋又餵長頸鹿食嘢, 原來佢哋好大力咖, 如果你揸唔實支樹支, 一吓就俾佢扯咗去啦.

近d睇, 佢條脷原來可以伸到好長.

我哋趕得到搭最後一班入園內o既觀光車, 不過呢個時候明德仔已經開始扭來扭去啦, 原來已經五點鐘啦, 今朝八點幾起左身到而家都仲未瞓過, 唔怪得啦.

其實呢程係最多嘢睇o既, 但佢都已經無心情再聽你講呢樣,望o個樣啦.

準備落車佢已經打唔開眼咁際啦.

話咁快就瞓咗啦, 要抱住佢行番出出口都幾辛苦吓咖, 又唔要dadi抱喎,mami 唯有頂硬上啦.

哈哈~抱得咁辛苦,咁樣會行得快d咖.

瞓到冧哂,先轉手俾dadi, 原本仲唸住返上酒店擺佢上床度瞓一陣先, 橫掂我哋又咁熱可以沖個涼先, 點知未上到去已經醒咗啦, 咁直接去食晚餐啦.

今次我哋去白老虎西餐廰食buffet, 一坐低阿仔就不停咁食魚啦.very good!

而mami 呢就梗係食海鮮啦.

好快速咁食完第一輪之後就坐唔定啦, 你睇吓對腳, 已經貼咗幾張蚊貼啦, 都咬成咁啊.

食飽飽loo, 唔經唔覺我哋好似食咗差唔多成三粒鐘啦, 有無呢?? 阿仔都好叻咖啦, 陪我哋坐咗咁耐, 當然進進出出好多次, 一陣又話要shsh 仲去埋大大tim, 之後又出動mp4俾佢睇住電視先.

嘩~好大條, 大到部機都攞唔哂.

又係好攰o既一天, 佢瞓覺都要隻graffie陪住. 好得意啊~