黃金海岸室內PLAYROOM

上篇講到我哋一大家人好FREE 咁去咗食LUNCH,因為哥哥瞓咗覺~

出到來, 哥哥就醒咗啦, 真係計啱時間等我哋有啖食吓,good good.跟住我哋又見到呢舊石, 上次唔齊人影, 今次有妹妹份啦, 不過明德仔好慘啊, 俾妹妹扯頭髮啊(本身已經唔多咖啦~唉!) 妹妹呢輪手腳好快, 見乜就攞乜.

突然又好冧咁攬住妹妹喎, 小朋友真係唔記愁.

唉~影來影去都無張好o既, 呢張叫做最好咖啦. 你睇明德仔對眼好似充滿憤怒咁

妹妹最鍾意食自己對豬腳, 無論坐低或瞓低都食, 係咪真係咁牙痕呢?

三個人o既眼咁一致,望咩啊? 原來下面有好魚啊~ 阿仔對手話咗俾我哋聽啦, FISH游來游去~

行吓行吓原來見到個公園o既,但行來行去都搵唔到個入口o係邊, 但就入咗來呢個室內遊樂場~

好似乜乜樂園咁~

唔係隻隻都玩, 咁都好, 唔係好似上次咁入咗錢就走咗去, 佢最鍾意揸大巴士, 玩完一次又一次.

呢個時候婆婆又坐埋一邊幇我餵妹妹啦~ 真好啦, 我又可以去同明德仔玩啦!

哥哥唔夠高玩, 唯有叫公公抱住同MAMI 對戰!

玩玩吓不如搬張櫈仔俾你企啦, 唔洗玩得咁辛苦.

之後又去咗打太鼓~

突然又撲咗埋舅父仔度喎, 好似樹熊咁~

嘩~好叻仔啊, 嬴咗盒LEGO啊, 我哋教佢講YEAH~佢就變咗第高一隻手指,哈哈~佢都幾有呢D運咖喎, 成日玩GAME 都有獎拎, 打破DADI咁多年來o既宿命(DADI 真係好無抽獎運咖, 就算永不落空o個d都唔知拎d乜嘢番來~)

攞完都唔知咩來o既, 小朋友真得意, 就算佢唔知我哋做乜都好,見到我哋笑佢就笑, 見到mami 玩玩吓緊張到彈起,佢又跟住我彈起.

好開心咁玩咗一日, 好在咁多人一齊可以分擔吓,唔係實攰c mami 囉. 下次去邊好呢,可以plan吓去遠d喎, 不過要拖喼會唔會好麻煩呢??