兩兄妹一齊去公園玩

好小同妹妹出街，其實唸唸吓都要同佢落去哂吓太陽先得，因為太白啦，好似唔多健康咁，好啦，咁就同哥哥一齊落樓下公園行吓啦。

妹妹好悶，只好同公仔玩吓~

而家又係口腔期, 乜都鍾意擺入口.

哥哥有得落街好開心.

勁happy!

坐埋一邊o既妹妹同咁開心o既哥哥好大對比.

好古惑o既表情.

兩日後又再同佢哋落去玩, 今次妹妹開心好多啦.

哥哥見到公園有個大佢小小o既姐姐咁釣起自己, 佢就即刻跟住做,  果然係雙腳離地喎, 好夠力吓.

之前上little gym都有做呢個動作, 不過次次佢都唔肯做, 就算肯佢都唔夠力, 係咪而家大個仔咗叻d呢? 所以話小朋友學嘢真係好睇佢心情, 佢有興趣做睇人哋做一次就識啦, 相反無心情你點叫佢做,佢睬你都傻. 所以而家番d playgroup學嘢之餘最緊要係佢開心, 唔洗咁早就迫佢哋學乜學物.

今次妹妹都有份玩啦, 開頭我都怕妹妹咁細個玩slide會好dirty, 算啦,橫掂都未洗白白.

原來咁細個人仔都識玩啦, 你睇佢sir得幾開心.

哥哥見妹妹sir得咁開心,佢又就埋來一齊玩.

妹妹而家甩頭髮甩到成個地中海咁, 好醜怪啊~ 幾時生番啊?

對腳成日都好大力咁踼人, 而家俾你企吓啦.

呢個時候哥哥又走埋來湊熱鬧~

咩事啊? 一個傻樣!

原來哥哥走埋來鍚妹妹啊, 突然間係咁不停咁鍚妹妹個頭喎. 哈哈, 好搞笑~

既然玩得咁開心,我哋以後就多d落去玩啦, 不過都唔易咖, 因為哥哥仲未可以俾佢自己一個人玩,要寸步不離咁睇實佢, 而妹妹又唔可以放佢坐o係車仔度自己瞓喎, 我一個又點睇到兩個呢? 我又唔放心淨係得工人同哥哥落去玩喎, 所以我哋如果要落去一定要四個人一齊落, 一人睇一個, 唉~但姐姐又有d好似做唔完咁o既工作喎,唔知佢係手腳慢定係特登拖慢來做啦, 總之如果佢都落埋去呢就唔洗買餸煮飯啦, 唔緊要啦或者間中食吓飯盒啦.

BTW 姐姐o既問題越來越多, 越來越多嘢我睇唔順眼.